.jpg)
افغانستان، چین و پاکستاننینگ ایکینچی اوچ تامانلمه ییغینی آیلرچه کوتیلیب اوچ مملکتنینگ تشقی ایشلر وزیرلرینی اشتراکیده بوگون کابلده یولگه قوییلدی.
اوشبو ییغین اداغیده مملکت تشقی ایشلر وزیرلیگینی سرپرستی صلاحالدین ربانینینگ ایتیشیچه، افغانستان خوفسیزلیگی و برقرارلیگی منطقه خوفسیزلیگیگه باغلیق دیر و شو یوزهدن اولر ترورچیلرنی نابود قیلیش اوچون جدی شکلده تدبیر آلگنلر.
افغانستان، چین و پاکستاننینگ اوچ تامانلمه ییغینی اداغیده تشقی ایشلر وزیرلیگینی سرپرستی صلاحالدین ربانینینگ ایتیشیچه، بو ییغینده تامانلر اینیقسه پاکستاندن بولگن افغانستان ایستهگی تینچلیک جریانیدن حمایت قیلیشلری و قوراللی طالبلرنی مذاکره میزی اوستیگه حاضر قیلیشلری دیر.
بو ییغینده کابل، اسلامآباد و پیکنگ نمایندهلری، اوچ مملکت آرهسیده چیگره و خوفسیزلیک همکارلیکلر شرطنامهسیگه قول قویگنلر و بو شرطنامه گه اساس، خوفسیزلیک، ترورچیلرگه قرشی کورهش، اقتصاد رواجلنتیریلیشی، منطقهیی باغلهنیش، سیاسی ایشانچ و کیلیشوو اوستیگه ایش قیلینیشی کیرهک.
تشقی ایشلر وزیرلیگی سرپرستینینگ ایتیشیچه، بو ییغینده اولرنینگ آرهسیده اوتکزیلگن سوزلشوولرنی باشقه بیر بولیمی تینچلیککه ایریشیش اوچون افغانستان و پاکستان استراتیژیسینی عملگه آشیریش دیر.
پاکستاننینگ تشقی ایشلر وزیری شاهمحمود قریشی، کابل و اسلامآباد آرهسیده ایشانچلی فضا بولمهگنیگه اشاره قیلیب ایتیشیچه، اوچ تامانلمه ییغینده اشتراک قیلیشی یانیده افغانستان گه کیلگنیدن مقصد، ایکی مملکت آرهسیده ایشانچ قیتریش، افغانستان تینچلیک لایحهسیگه قوشیلیش اوچون طالبلرنی ترغیب ایتیش و ایکی مملکت آرهسیده اقتصادنی رواجلنتیریش بولگن.
.jpg)
پاکستاننینگ تشقی ایشلر وزیری، تینچلیک سوزلشوولریده چین رولینی اونملی بیلیب ایتیشیچه، افغانستان، پاکستان و چین ترورچیلیک قربانی بولگنلر و اولر ترورچی گروهلرگه قرشی کورهشده قوشمه شکلده سعی و حرکت قیلهدیلر.
شونینگدیک، چیننینگ تشقی ایشلر وزیری وانگ یی، افغانستانده تینچلیک لایحهسیگه ایریشیش اوچون اوچ تامانلمه ییغینینی یخشی بیر فرصت بیلیب ایتیشیچه، طالبلرنی مذاکره میزی اوستیگه تارتیش اوچون سعی و حرکت قیلهدیلر.
وانگ یی گه کوره، چین و پاکستان تینچلیک لایحهسیدن افغانستان یشاوچیلرینینگ رهبرلیگیده حمایت قیلهدیلر.
چیننینگ تشقی ایشلر وزیرینی ایتیشیچه، بو ییغینده افغانستان و پاکستان علاقهلرینی یخشیلشتیریش خصوصیده، کیلیشگنلر. او، افغانستاندن پاکستان-چین هوایی دهلیزیدن فایدهلنیشینی سورهدی.
افغانستان، پاکستان و چین اوچ تامانلمه ییغینی بیرینچی مرته چین باشکینتیده یولگه قوییلدی و بو ییغیننی اوچینچی دورهسی تیزلیککه اسلامآباد ده یولگه قوییلیشی خصوصیده قرار قیلینگن.
