اوتمیش نیچه آیده پایتخت کابلده رسانهیی فعاللر، سیاسی تحلیلچیلر، تجار و حتی سپورتچیلر سویقصد قیلیندی. شو سونگیده، ناتانیش قورالی شخصلر کابل شهری 13- حوزهسیدهگی طلبهلر یاتاقخانه کافی شاپیده کیریب، حربی کوچلردن ایکی کیشینی اوقگه تارتیب هلاکتگه ایتکیزدی.
بوندن آلدین هم سیاسی تحلیلچی احمد سعیدی، سوداگر حاجی نوروز حمزهیی، بخدی خبرگزارلیگی باشلیغی سالم وحدت و آسیا خصوصی تلویزیوننینگ باشلیغی امانالله عطاییلرجانیگه قصد قیلیندی.
کابلده بولیب تورگن مقصدلی سویقصدلردن هرات شهریده هم کوپ زمانلردن بیری دوام ایتیب کیلماقده، هربیر ترور دورهسی باشلهنیشی بیلن کوپلب سیاسی و اجتماعی شخصیتلر سویقصد ایتیلیب، شونینگدیک اردو، پولیس و ملی امنیت ایشلاوچیلری مقصدگه آلینهدی. شو سونگی هفتهدهگی هرات شهری و تومنلریده بولیب اوتگن مقصدلی سویقصدلر سانی 20 کیشیگه ایتیشگن، بولردن کوپیسی جانینی قولدن بیرگن.
مقصدلی سویقصدلرگه قرهتیب نظامی تحلیلچی جاوید کوهستانینینگ ایتیشیچه، مملکت بویوک شهرلریده عصیانچی گروهلرتامانیدن شخصیتلر سویقصد ایتیلیشی عامه خلق فکرینی چلقیتیش دیر. کوهستانیگه کوره، شهرلرده شخصیتلر سویقصد ایتیلیشی، مملکت امنیتی تأمین ایتیلیشی بارهسیده اهالی ایشانچینی ضعیفلشتیریشگه سبب بولهدی.
جناب کوهستانینینگ ایتیشیچه، افغانستان دولتی-شهرلرده عصیانچی گروهلر گه قرشی کورهشیش اوچون انیق لایحهلرنی ریجهلنتیریش لازم؛ شوندهی بولمه گنده، ترورچیلیک دوامی افغانستان برقرارلیگی و امنیتی اوچون ایشانچسیزلیکنی کوچلنتیریشی ممکن.
ایچکی ایشلر وزیرلیگی سوزلاوچیسینینگ اورین باسری نجیب دانشنینگ سلاموطندارگه ایتیشیچه، اوتگن نیچه ییلگه قره گنده، پایتخت کابلده مقصدلی سویقصدلر کوپهیگن. جناب دانش ترورچیلر دوسیهسی کشفی و استخباراتی ادارهلر تامانیدن جدیت بیلن تیکیشیریلیب اوتهدی و حاضرگه قدر اونلرچه اجتماعی و سیاسی شخصیتلر ترور بولیشی آلدی آلینگن دیب تأکید قیلهدی.
سونگی سوی قصدلر و اهالی آرهسیده ناقانونی قورال-اسلحه آلیب- ساتیلیشلر، اینیقسه دولتی شخصیتلر ارا علاقهسیز مساله ایمس. بو آلدیندن ریجهلنتیریلگن سوی قصدلر، کوپلب موترسایکلگه مینیلگن عصیانچیلر تامانیدن عملگه آشیریلهدی. اما ایریم حادثهلرده هم دولتی موترلر پارتلهتیش اوچون یاپیشتیرهدیگن بمبلردن فایده لنیلهدی.
