آمریکا تشقی ایشلر وزیری نینگ ایتیشیچه، افغانستانده کوچلرینی چیقریش اوچون تیارگرلیک آلماقده، بیراق مشخص بیر زمان جدولی اوستیگه حاضرگهقدر کیلیشمهگنلر.
اوتگن کون «سهشنبه» کوتیلمهگن بیر سفرده افغانستان گه ییتیب کیلگن آمریکا تشقی ایشلر وزیری مایک پمپئونینگ ایتیشیچه: «طالبان گه ایتیشیم کیرهک کیم، بیزلر افغانستاندن کوچلریمیزنی چیقریش اوچون زمینه یرهتدیک. لیکن بیر نرسهنی آچیقلهشیم کیرهک کیم، حاضرگهقدر مشخص بیر زمان جدولی اوستیگه کیلیشگنیمیز یوق دیر.»
آمریکاییلیک اوشبو ییریک دیپلمات نینگ ایتیشیچه، افغانستانده آمریکا کوچلری نینگ قالیشی شرط اساسیده بولهدی.
جناب پمپئونینگ ایتیشیچه، افغانستان تینچلیک سوزلشوولری خصوصیده حقیقی ترقیات یوز بیرگن و تورلی گروهلر بیر لایحه توغریسیده کیلیشیش گه یقینلشگن.
پمپئونینگ کوپهیتیریشیچه، «ترورچیلیککه قرهگنده، بیزلر حقیقی ترقیاتنی تجربه قیلگن میز و حاضر طالبان گروهی افغانستانلیک همتالری گه قوشیلیش خصوصیده بیرگن سوزلری علاوه بیر لایحه متنینی تیارلماقده میز و شونینگدیک، افغانستان توپراغی ترورچیلرنینگ باشپناهی گه اوزگرمهسی خصوصیده ایشانچ قولگه کیریتیشیمیز کیرهک.»
عین حالده، افغانستان جمهورلیک ریاستی تینچلیک سوزلشوولری اوچون آمریکانینگ سعی و حرکتلریدن قدردانلیک بیلدیریب و اورغولشیچه، بوتون همکارلریمیز و خلق ارالیک دوستلریمیز ایری و کیشیسل سعی و حرکتلردن باش تارتیب و تینچلیک خصوصیده بیرلیک سعی و حرکتلردن حمایت قیلیشلری لازم.
شونینگدیک، اوتگن هفته افغانستان تینچلیک لایحهسی بوییچه آمریکانینگ خاص نمایندهسی زلمی خلیلزادنینگ اعلان قیلیشیچه، طالبان گروهی بیلن تینچلیک سوزلشوولری خصوصیده آمریکانینگ مقصدی حربی کوچلرینی چیقریش اوچون کیلیشیش ایمس، بلکیم تینچلیک توغریسیده اساسی بیر شرطنامه دیر.
عین حالده، آمریکا و طالبان گروهی نینگ نمایندهلری آرهسیده اوتکزیلیشی کوتیلگن تینچلیک سوزلشوولرینی 7- دوری کیلهجک هفته قطرده یولگه قوییلهدی.
