بوگون «یکشنبه» کابلده خبری بیر ییغین اوتکزگن اسلامی حزب رهبری گلبدین حکمتیارنینگ ایتیشیچه، مملکت ده دایمی تینچلیک تأمینلنیشی جمهورلیک ریاست سیلاوی شفاف و همه شمول شکلده یولگه قوییلیشی گه باغلیق دیر.
اونینگ ایتیشیچه، بوتون حزبلر سیلاو شفاف شکلده اوتکزیلیشینی ایستهیدی و سیلاو کمیسیونلری تقلب آلدینی آلیشلری کیرهک.
جناب حکمتیارگه کوره، افغانستانده وقتینچهلیک حکومت تشکیل ایتیلیشی نتیجهسیز بیر تجربه بولگن و قدرت نی تینچلیککه انتقال بیرهدیگن بیرینچی یول سیلاو شفاف شکلده اوتکزیلیشی گه دیر.
شونینگدیک، بوندن آلدین سیاسی حزبلر و جمهورلیک ریاست نامزدلریدن باشقه بیرقطاری، جمهورلیک ریاست سیلاویده تقلب بولیشیدن خواطر بیلدیرگن ایدیلر.
جمهورلیک ریاست سیلاوی جاری ییل، 6- میزان ده یولگه قوییلیشی خصوصیده قرار قیلینگن.
