جمهور باشلیغ غنی سیلاو کمپاینلری دوامیده اورین باسرلری بیلن هرات ولایتیگه سفر قیلیب طرفدارلری حضوریده صحبت قیلگن.
دولت قوروچی سیلاو تیمی نینگ ایکینچی اورین باسری محمدسرور دانش نینگ اوشبو ییغینده ایتیشیچه، مملکتده تینچلیک تامین ایتیلیشی خصوصیده حکومت ییترلیچه سعی و حرکت قیلگن. جناب دانش نینگ تاکید قیلیشیچه، حکومت تینچلیک و سیلاونی بیر ییرده عملگه آشیرهدی.
جمهورلیک ریاستی نینگ ایکینچی اورین باسریگه کوره، تینچلیک باشقه مملکتلرنینگ باشکنتلریگه سفر قیلیش آرقهلی قولگه کیلمهیدی و تینچلیک نینگ مملکت اساسی قانونی گه کوره تعریف قیلیش کیرهک.
ایتیلیشیچه، آمریکا و طالبان نمایندهلری آرهسیده بولگن سوزلشوولرنینگ 9- دوری قطر باشکنتی دوحه شهریده باشلنگن.
اوشبو سوزلشوولرده طالبان نمایندهلرینی شیرمحمد عباس استانکزی رهبرلیک قیلهدی و آمریکا تامانیدن زلمی خلیلزاد و اسکات میلر اشتراک قیلگن.
جمهور رییس محمداشرف غنی، بو ییغینده تینچلیک لایحهسی خصوصیده صحبت قیلمهگن، بیراق هریرود تینگیزی سووینی مدیریت قیلیشیدن وعده بیرگن.
جمهور رییس نینگ کوپهیتیریشیچه، تروریستی گروهلر اینقسه داعش گروهیگه هرات یشاوچیلری آرهسیده، بولگن بیرلیکنی نابود قیلیش اوچون رخصت بیرمهیدی.
جناب غنی، صحبتلری اداغیده جمهورلیک ریاستی سیلاوی نینگ تینق شکلده یولگه قوییلیشیدن اطمینان بیرگن.
