.jpg)
بوگون (چهارشنبه) مجلسنینگ ایچکی امنیت کمیسیونی باشلیغی میرداد نجرابینینگ نمایندهلر عمومی ییغینیده ایتیشیچه، ترورچی بولگنیگه احتمال کیتهدیگن شخصلر ملی کینگش ساختمانیگه کیریش نیتده ایکنلر، امنیتی کوچلر تامانیدن قولگه آلینگن.
جناب نجرابیگه کوره، قولگه آلینگن نفر کیملیگی انیقلنمسدن سنا مجلسینینگ باشلیغی فضلالهادی مسلمیار نیچه مرته تماس آلیب بولرنی قویباریلیشینی طلب قیلگن.
مجلسنینگ ایچکی امنیتی کمیسیون باشلیغینینگ کوپهیتریشیچه، قولگه آلینگن شخصلر مجلس اعضاسی حضرت علی بیلن اوچرهشیش بهانهسی بیلن کینگش ساختمانیگه کیریش نیتیده ایکنلر، بیراق جناب علی مجلسنینگ امنیتی رسمیلریگه بوکیشیلر ناتانیش دیب قولگه آلینیشلرینی ایستهگن.
.jpg)
مجلسنینگ ایچکی امنیتی کمیسیون باشلیغینینگ بو ادعالری بارهسیده جناب مسلمیاردن نظر آلیش اوچون تلاش قیلدیک، لیکن نتیجه بیرمهدی.
بیراق سنامجلسینینگ اعضالریدن جمعهالدین گیانوال، جناب مسلمیارنینگ قولگه آلینگنلرنینگ قویباریش اوچون تلاش قیلدی دیگن ادعالری ناتوغری دیدی.
اونینگ ایتیشیچه، حاضرگه قدر بو قولگه آلینگن شخصلر ترورچی می یا عادی کیشی، انیق بولمهگن و جناب مسلیمار بولرنی قویباریش اوچون کیم بیلن تماس آلگنلیگی هم انیق بولمهگن.
بوندن آلدین هم مجلسنینگ اعضالریدن بیری مجلسنینگ امنیتی تهدید بیلن روپهره و پارلمان و سنا کینگشی اعضالریدن بیر قطاری ترورچیلرنی کینگش ساختمانیگه کیردیریش بارهسیده تلاش قیلهدیلر دیگن ایدی.
