بدخشان جهادی قومندانلری، دین عالملری و مدنی فعاللریدن بیرقطاری، سیلاولرده آواز بیریش اوچون رویخطگه آلینیش لایحهسیگه اهالی علاقهسی آزهیگنی توغریسیده خواطرلر کوپهیگنیدن سونگ، اوشبو لایحه گه اهالینی آلقیشلش کمپاین یولگه قویگنلر.
اولر رویخطگه آلینیش مرکزلرگه باریب، آواز بیریش مرکزلرنینگ امنیتینی تامینلشدن ایشانچ بیریب و اهالیدن رویخطگه آلینیش مرکزلرگه باریب سیاسی تقدیرلرینی تعیینلش اوچون سیلاولرگه آواز بیریش کیملیگی قولگه کیریتیشلرینی سورهگن.
بدخشان جهادی قومندانلریدن بیری نذیرمحمد نیازینینگ ایتیشیچه، رویخطگه آلینیش لایحه یکونلنیشیگهقدر بو ایشگه دوام بیریب و بوتون اجتماعی حوزهلرگه همکارلیک قیلیشلرینی بیلدیرگن.
اونینگ ایتیشیچه، سیلاولر ایرکین کمیسیونینینگ تبلیغاتی بولیملرگه دقت سیزلیک و کیملیکلرده استیکر نصب ایتیلیشی، احتمالی خطرلردن خواطر بیلدیرهدیلر.
اوشبو جهادی قومندان، خوفسیزلیک کوچلرنینگ اویغونلیگی بیلن اهالی خوفسیزلیگینی تامینلش اوچون سعی و حرکت قیلیشیدن ایشانچ بیرهدی.
بدخشان یشاوچیلریدن بیرقطارینینگ ایتیشیچه، ناتنیچلیکلر کوپهییشی، حکومت رسمیلری و نمایندهلر کینگشی اعضالری بیرگن سوزلریده توختمهگنی سبب، سیلاولر اوچون اهالینینگ علاقهسی یوق دیر. بیراق اهالیدن باشقه بیرقطاری، دولت مسووللرینینگ ایشسیزلیگی سبب دموکراتیک روندلرنی قیینچلیککه تارتیش ناتوغری دیدیلر.
عین حالده، سیلاولر ایرکین کمیسیونینینگ ولایتی باشلیغی حمیدالله بلوچنینگ ایتیشیچه، اهالی رویخطگه آلینیش مرکزلرگه مراجعت قیلیش اوتکن کونلرگه قرهگنده کوپهیگن. او، مذکور لایحه یوتوقلیگیدن امیدوارلیک بیلدیرهدی.
سیلاولر ایرکین کمیسیونینینگ ولایتی مسووللری، اهالینینگ رویخطگه آلینیش مرکزلریگه مراجعتلری کوپهییشی خصوصیده، سوز یورتهدی. بیراق، اوشبو کمیسیوننینگ معلوماتیگه کوره، اوتکن 5 کون ایچیده بدخشان ولایتیده بولگن 20 مرکزده 500 کیشی آواز بیریش کیملیک آلگنلر.
