اروپا بیرلیگینینگ خاص نمایندهسی و تشقی علاقهلر مسؤولی کابل گه قیلگن سفریده بوگون توشده مملکت جمهورلیک ریاستی سراییده جمهور رئیس غنی بیلن قوشمه ییغین اوتکزدی.
اروپا بیرلیگینینگ خاص نمایندهسی و تشقی علاقهلر مسؤولی فدریکا موگرینی، افغانستانلیکلرنی رهبرلیگیده تینچلیک سوزلشوولری و 18 ییل یوتوقلری سقلهنیشی اوستیگه تأکیدلب ایتیشیچه، «افغانستان تینچلیک لایحهسینی رهبرلیک قیلیشی کیرهک و بونگه علاوه، تینچلیک لایحهسیده ایجابی رول اوینهیدیگنلر جملهدن آمریکا، روسیه، چین، ایران، اورته آسیا مملکتلری و باشقه مملکتلر شامل بولیشی لازم.»
موگرینی دستلب حکومت و طالبان گروهی آرهسیده آتیشکیسین برقرار ایتیلیشی اوستیگه تأکیدلب و کوپهیتیریشیچه، «افغانستان حکومتی بیلن بولهدیگن سوزلشووده اساسی بیر تیرمه جماعه ایجاد ایتیلیب و طالبان گروهی بیلن بولهدیگن تینچلیک سوزلشوولریده اشتراک قیلیشی کیرهک.»
اروپا بیرلیگینینگ خاص نمایندهسی و تشقی علاقهلر مسؤولی نینگ ایتیشیچه، اروپا بیرلیگی تینچلیک جریانیده بیر ضمانت قیلووچی صفتیده نظرگه آلینیشی کیرهک و اروپا بیرلیگی بو موضوعلر خصوصیده یالغیز تماشاچی بوله آلمهیدی، بلکیم بو موضوع نی نظارت قیلیشی درکار.
موگرینی گه کوره، افغانستانده تینچلیک تأمینلنگن صورتده، منطقه تینچلیگی تأمینلنهدی و کوپهیتیریشیچه، کیلهجک قیلینهدیگن قرشیلیکلرنی آلدی آلینیشی اوچون تینچلیک جریانی دنیا تامانیدن تصدیقلنیب و شونینگدیک، سوزلشوولر نتیجهسی نظرگه آلینیشی لازم.
اروپا بیرلیگی نینگ اوشبو ییریک ملازمی خوفسیزلیک بولیمیده اصلاحات کیریتیلیشی و شونینگدیک سیلاوی یولگه قوییلیشی اوستیگه تأکیدلب ایتیشیچه، سیلاو بولمهگنده مذاکره هم بولمهیدی.
اوشبو ییغینده مملکت جمهور رئیسی محمداشرف غنی نینگ ایتیشیچه، برقرارلیک قانون و قانون حاکمیتی بولیشی کیرهک و اوق یولیدن کیلگن برقرارلیک، برقرارلیک ایمس، بلکیم باشقه بیر ناتینچلیک باشلهنیشی ممکن.
جناب غنی نینگ ایتیشیچه، «اوق، زوروانلیک و تهدید یوللریدن برقرارلیک بولمهیدی، بلکیم باشقه بیر ناتینچلیک باشلهنیش فصلی دیر و شو یوزهدن بو باسقیچ ده افغانستان دولتچیلری و جمهور رئیسی گه قرهتیلهگن اساسی نرسه بو دیر کیم، بیزلر تدبیر، اوز اساسی منفعتمیزنی منطقهیی ایجابی اوزگریشلر و دنیا مناسبتلری مستحکملنیشی گه کوریشیمیز ممکن.»
اجراییه ریاستیده ملی بیرلیک حکومت اجراییه باشلیغی عبدالله عبدالله بیلن اوچرهشگن فدریکا موگرینی، افغانستانلیکلرنینگ مالکیتی و رهبرلیگیده تینچلیک سعی و حرکتلریدن اروپا بیرلیگی حمایتی نی اعلان قیلیب ایتیشیچه، افغانستانده آرقه گه چیکیلیش یول یوق دیر و تینچلیک تأمینلنگن صورتده، انسان حقلری مدافعه قیلینهدی، مملکت رواجلنهدی و سونگی ییللرنینگ یوتوقلری سقلنهدی.
شونینگدیک، اوشبو اوچرهشووده اجراییه باشلیغی، تینچلیککه قول تاپیشنی افغانستانلیکلر ارا مذاکره و پاکستاننینگ جدی همکارلیگی گه باغلیق بیلیب و طالبان گروهینی بو باسقیچ ده مذاکره باشلهنیشی گه اصل توسیق دیب بیلهدی.
اروپا بیرلیگینینگ خاص نمایندهسی و تشقی علاقهلر مسؤولی، افغانستاندن اروپا بیرلیگی حمایت قیلیشی توغریسیده، مملکت یشاوچیلریگه ایشانچ بیردی.
