امریکه تشقی ایشلر وزیریجان کری نینگ ایتیشیچه، ملی بیرلیک حکومتی نینگ عمری ایکّی ییل ایمس. جمهور رییس غنی حکومتی پایانگه ییتگونگه قدر، حکومت نینگ توزیلیشی انه شو روشده دام ایتهدی.
اوتگن کون افغانستان جمهور رییسی محمد اشرفغنی بیلن خبری انجمنده اشتراک قیلگن جناب کری، ملی بیرلیک حکومتی تشکیل ایتلیشی اوچون امضالنگن شرطنامهده ایکّی ییل جریانیده حکومتگه بوشلیق کیلگن حالده، لویه جرگه اوتکزیلمسلیگی اوچون مخصوص مساله ایتیلمهگن دیگن.
امریکه تشقی ایشلر وزیری، شرطنامه امضالنگن حالده موجود بولیب بوندهی بیر مسله بولمهگن لیگینی ایتگن. شونینگدیک او، افغانستان نینگ ایچکی مسالهسیگه قرهشلی موضوعگه حکومتنینگ رهبرلری اوزلری کیلیششیشلری بارهسیده تاکیدلهگن.
بو مسالهلر 2016- ییل 21 سپتمرده افغانستان ملی بیرلیک حکومتی نینگ عمری اوز پایانیگه ییتیشی ایتیلگن بیر چاغده معلوم قیلینماقده.
جان کری، افغانستان ملی بیرلیک حکومتی رهبرلری بیلن اوچرهشیش اوچون اوتگن کون رسمی تشریف بیلن کابل کیلدی. شونینگدیک او، مملکتی اوزاق مدتگچه افغانستان حکومتیگه بیرگن وعدهسیگه عمل قیلیشی اوچون تاکیدله گن.
شونینگدیک وارسا و بروکسل ییغینیدهگی اصلی موضوع افغانستان تینچللیک مذاکرهسیگه بغیشلنگنی ایتیلهدی. کریگه کوره، وارسا ییغینیده افغانستان تقدیری انیق لنهدی.
شونینگدیک او، ملی بیرلیک حکومتی آسانلیک بیلن وجودگه کیلمهگن دیگن. شونینگدیک کری افغانستان جمهور رییسی و اجراییه باشلیغی بیر – بیراولریگه همکارلیکده ایش آلیب باره یاتگنلیکنلریدن خرسندلیک بیلدیرگن.
افغانستانده ملی بیرلیک حکومتی ایجاد بولگندن کیین بو بیرینچی بار امریکه تشقی ایشلر وزیری جانکری کابلگه سفر قیلهدی.
