افغانستان تشقی ایشلر وزیرلیگی، طالبان گروهی نینگ هیأتی اوزبیکستان تامانیدن کوتیلمهگن حالده خوش قرشیلنگنی اوچون مذکور مملکت دن تنقید قیلگن.
مذکور وزیرلیک نینگ ایتیشیچه، طالبان گروهی نینگ نمایندهلری رسمی شکلده خوش قرشیلنگن طریقهسی اوزبیکستان تامانیدن تینچلیک سوزلشوولری گه زمینه یرهتیلیشینی کورستمهیدی.
مملکت تشقی ایشلر وزیرلیگی سوزلاوچیسی صبغت احمدی، رسمی فیسبوک صحیفهسیده یازیشیچه، افغانستان قوشنیلری بو مملکت نینگ تینچلیک جریانی گه افغانستان دولتی و اهالیسی نینگ رهبرلیگی و حاکمیتی گه حرمت قوییشلری کیرهک.
جناب احمدی نینگ ایتیشیچه، «طالبان گروهی نینگ نمایندهلری رسمی شکلده خوش قرشیلنگن طریقهسی و سوزلشوولر قندهلیگی افغانستان اسلامی جمهوریت دولتی و طالبان نمایندهلری آرهسیده اوزبیکستان جمهوریتی تامانیدن تینچلیک سوزلشوولری گه زمینه یرهتیلیشی نی کورستمهیدی.»
طالبان گروهی نینگ سوزلاوچیسی ذبیح الله مجاهد تامانیدن توییتر صحیفهسیده نشر ایتیلگن صورتلرگه کوره، اوزبیکستان بارگن طالبان نمایندهلری، اوزبیکستان رسمیلری تامانیدن رسمی و قیزیق شکلده کوتیب آلینگن.
بو صورتلرده طالبان گروهی نینگ نمایندهلری اوزبیکستان جمهور رئیسی نینگ خاص نمایندهسی عصمت ایرگش اوف و تشقی ایشلر وزیری عبدالعزیز کاملوف تامانیدن کوتیب آلینگنی کورینهدی.
طالبان گروهی نینگ نمایندهلری قطرده افغانستان تینچلیک لایحهسی بوییچه آمریکانینگ خاص نمایندهسی زلمی خلیلزاد بیلن مذاکره قیلگنیدن نیچه کون اوتگنیدن سونگ، اوزبیکستان بارگنلر.
اوشبو سفرده طالبان هیأتی ملابرادر تامانیدن رهبرلیک قیلینهدی.
