افغانستان تینچلیک جریانی بوییچه آمریکا خاص نمایندهسی زلمی خلیلزاد نینگ ایتیشیچه، افغانستانلیکلر ارا سوزلشوولرنینگ آرتده قالدیریلیشی خصوصیده هیچقندهی دلیل یوق دیر. اونینگ تاکید قیلیشیچه، افغانستانلیکلر ارا سوزلشوولرنی تیزلیککه باشلهنیشی کیرهک.
بوگون "جمعه" افغانستان تینچلیک جریانی بوییچه آمریکا خاص نمایندهسی نینگ توییتر صحیفهسیده معارف وزیرلیگی نینگ علمی کینگشی سرپرستی عبدالباقی امینگه قرشی اویوشتیریلگن تروریستی هجومگه اشاره قیلیب ایتیشیچه، اوشبو هجوم تینچلیک جریانینی تخریب قیلهدیگنلر تامانیدن اویوشتیریلگن.
او، اوتگن کوندهگی تروریستی هجومنی قارهلب و اوشبو هجومنی «قیغولی» عنوان قیلگن. خلیلزاد نینگ تاکید قیلیشیچه، بوتون طرفلرنینگ زوروانلیکنی توختهتیب و سوزلشوولرگه تیار بولیشی کیرهک.
سونگی بیرهفته جریانیده بو ایکینچی مرته کیم جناب خلیلزاد، افغانستانلیکلر ار سوزلشوولر باشلهنیشی اوستیگه تاکید قیلهدی. افغانستانلیکلر ارا سوزلشوولرنی لویهجرگه قراریدن سونگ، 26 اسد ده باشلهنیشی مملکت ایدی، بیراق طالبان 400 محبوسی نینگ قوییب یوباریلیش جریانی توختهتیلگنی سبب، اوشبو سوزلشوولر باشلنمهگن.
