«یاشلر عکسالعمل» ناملی تشکیلات ملی مجلسنی اداری فساد، مخدر مادهلرنی قاچاق ایتیش، آدم اوغیرلیک و مملکتده شایستهسالارلیک یولیدهگی اساسی توسیق دیب بیلهدی. بو تشکیلات ملی بیرلیک حکومتی نینگ رهبرلریدن مجلس نینگ ایشیگه پایان بیریشنی سورهگن.
بوگون کابلده خبری بیر انجمن اوتکزگن مذکور تشکیلات نینگ اعضاسی زلمی کوچی، مملکتدهگی اساسی قیینچیلیکلرنینگ بیرینچی عاملی فسادگه بولغنگن نمایندهلر مجلسی نینگ اعضالری دیدی. او، ملی مجلس اعضالری اوز موقفینی سوءاسعتمال قیلیب، کیشیلرنی دولت ادارهلرگه ایشگه تعیین قیلیش بیلن کتّه مبلغنی چونتکلریگه اوریشلرینی ایتهدی. کوچی، ملی بیرلیک حکومتی نینگ رهبرلریدن مجلس اعضالرینینگ بو قبیل ایشی توختهتیلیشی اوچون بیفرق قالمسلیگینی سورهگن.
اونینگ تعبیریچه، ملی مجلس نینگ بیش ییللیک دوری اساسی قانونگه موافق اوز پایانیگه ییتگن. اما، نمایندهلر مجلسی نینگ اعضاسی ایکّی ییلدن بیری ناقانونی شکلده پارلمان لوازمیده قالماقدهلر.
لیکن، مجلس نینگ بیرینچی اورین باسری نذیر احمد احمدزی، یاشلر عکسالعمل تشکیلاتی اعضالرینی نینگ بو ادعالرینی رد قیلگن. او، حجتسیز ملت اویینی تورلی عیبلرگه باغلش سوز ایرکین لیگیگه توغری کیلمهیدی دیگن.
بوندن اون کون آلدین افغانستان ملی مجلسی مملکت ایچکی ایشلر وزیری تاج محمدجاهد، مدافعه وزیری عبدالله حبیبی و ملی خوفسیزلیک باشقرمهسی باشلیغی معصوم استانکزیلرنینگ کابلده سردارمحمد داوودخان شفاخانهسیده اویوشتیریلگن هجوم توغریسیده معلومات بیریش مقصدیده جوابگرلیککه تارتگن ایدی. لیکن، امنیتی مسووللر مجلس نینگ کوپچیلیک آوازینی آلیش بیلن قیتهدن اوز لوازیمیده قالدی.
نمایندهلر مجلسی نینگ بو ایشی خلق نینگ جدی عکس العملیگه روپه ره بولدی.
