بیرلشگن ملتلر تشکیلاتی خوفسیزلیک کینگشی اعضالری، طالبلر و افغانستان دولتیگه قرشی باشقه قوراللی گروهلردن تینچلیک لایحهسیگه قوشیلیشلرینی سورهدی.
بیرلشگن ملتلر تشکیلاتی خوفسیزلیک کینگشینینگ ییغینی، «دوشنبه» کیچه نیویارکده یولگه قوییلدی. اوشبو کینگشنینگ برچه اعضالری، بیرلشگن ملتلر تشکیلاتی افغانستاندن دواملی شکلده حمایه ایتیشیگه سوز بیرگنلر.
نیویارکده یولگه قوییلگن بیرلشگن ملتلر تشکیلاتی خوفسیزلیک کینگشینینگ ییغینیده سوزگه چیققن افغانستان بوییچه بیرلشگن ملتلر تشکیلاتینینگ خاص نمایندهسی تادامچی یاماموتونینگ ایتیشیچه، اوشبو مملکت قیینچیلیگی حربی یول بیلن ایمس، بلکیم مذاکره بیلن حل ایتیلیشی ممکن. او، افغانستاندهگی برچه قوراللی گروهلردن تینچلیک لایحهسیگه قوشیلیشلرینی سورهدی. افغانستان تینچلیگینی منطقه مملکتلری منفعتیگه دیگن یاماموتونینگ ایتیشیچه، اوشبو مملکت قیینچیلیگی اوروش بیلن حل ایتیلمهیدی.
افغانستان بوییچه بیرلشگن ملتلر تشکیلاتی خاص نمایندهسینینگ کوپهیتیریشیچه، اوروش دوامیدن طالبلر هیچ بیر نرسه قولگه کیریته آلمهیدی و اولردن شرطسیز مذاکرهنی قبول ایتیشلرینی سورهدی.
شونینگدیک، تادامچی یاماموتو، بوتون افغانستان اهالیسیدن آرهلریدهگی قرهمه قرشیلیکلری و قیینچیلیکلریدن وازکیچیب و مملکتلری رواجلنیشی خصوصیده، سعی و حرکت قیلیشلرینی طلب قیلدی.
مذکور ییغینده، افغانستان بوییچه بیرلشگن ملتلر تشکیلاتینینگ خاص نمایندهسی تادامچی یاماموتونینگ بیاناتی یکونلنگنیدن کیین، بیرلشگن ملتلر تشکیلاتی خوفسیزلیک کینگشینینگ اعضالری، اونینگ بیاناتلریدن حمایت بیلدیرگنلر.
اوشبو ییغینده، بیرلشگن ملتلر تشکیلاتی بوییچه افغانستاننینگ دایمی نمایندهسی محمود صیقل، مملکت چیگرهلریدن تشقری ترورچیلر نابود ایتیلیشی اوستیگه تأکیدلب ایتیشیچه، ترورچیلر افغانستان چیگرهلریدن تشقری نابود ایتیلیشی کیرهک. اونگه کوره، «طالبلر و بیزلرنینگ قوشنی میز بولیب تورگن طرفدارلرینینگ ریجهسی اساسیده، بو موسوم اوروشی یکونی بولگن و جنگری طالبلردن کوپینچهسی پاکستاندهگی مدرسهلرگه قیتیب و کیلهجک ییل اوروشی اوچون تیارگرلیک آلهدیلر.»
بیراق، اوشبو ییغینده سوزگه چیققن بیرلشگن ملتلر تشکیلاتی بوییچه پاکستاننینگ شارژدافیری نبیل منیرنینگ ایتیشیچه، عصیانچیلرنینگ باش پناهلری افغانستان گه انتقال بیریلگن. اونگه کوره، مملکتی، افغانستانده تینچلیک و برقرارلیک تأمینلنیشینی ایستهیدی و ترورچیلر پاکستان تامانیدن حمایه ایتیلیشینی تَن آلمهیدی.
شونینگدیک، هند، ایران، آلمان، ایتالیا، سویدن، آسترالیا و کانادا نمایندهلر سوزلری جریانیده، افغانستانده دایمی تینچلیک تأمینلنیشینی ایستهب و بو توغریده حمایت بیلدیرگنلر.
