ملی بیرلیک حکومت ایجاد ایتیلیش سیاسی شرطنامهده ذکر ایتیلگن مهم مسآلهلردن بیری برقی کیملیک ترقهتیلیشی قید ایتیلگن اید، بیراق مذکور شرطنامهگه قول قویلیشیدن ایکی ییل اوتیشی بیلن برقی کیملیک باشلهنیشیگه هم حکومت قادر بولمهدی.
سیاسی تحلیلچیلرگه کوره، مساله سیاسی بولگنلیگی دلیل معمالربیلن روپهره بولگن.
سیاسی تحلیلچی فردوس کاوش نینگ سلاموطندارگه ایتیشیچه، برقی کیملیکلرنی ترقهتیلیشی فنی معمالربیلن بولگن ایدی اونی ملی بیرلیک باشلیغلری قومی و سمتی قرمهقرشیلیکلربیلن سیاسی قیلدیلر و شو اوچون هم بو ایش آرتگه قالدی.
سیاسی تحلیلچیلردن احمد سعیدی نینگ ایتیشیچه، ملی بیرلیک حکومت باشلیغلری مملکتده چوکیلرنی بولیشدن باشقه ایش قیلمهگنلر.
جناب سعیدیگه کوره، اساسی قانوننی نظرده توتیب، جمهور رییس سیاسی و اجرایی باشلیغی حقوقی مشروعیتگه ایگه ایمسلر و حتی اولر حکومتلرینی یوزهگه کیلتیرگن سیاسی شرطنامهگه یرهشه عمل قیله آلمهگنلر.
جناب سعیدی نینگ کوپهیتیریشیچه، ملی بیرلیک حکومتی قوریلیش پیتیده قول قوییلگن شرطنامه اهالینی الده شدن باشقه نرسه بولمهگن و بو حکومت امیریکه تامانیدن یوزهگه کیلگن و امیریکه ایستهگن زمانگه قدر ملی بیرلیک حکومتی دوام ایتهدی.
بیراق جمهور رییس سوزلاوچیسی اورین باسری شاهحسین مرتضوی نینگ ایتیشیچه، ملی بیرلیک حکومتی ایجاد شرطنامهسی کوپ قسمی عملی بولگن.
جناب مرتضویگه کوره، سیلاو قانونی توشیح بولیشی و نفوس ثبت ایتیش قانونی تصویب بولیشی مذکور شرطنامه معمالی بولیملریدن بولگن حالده، تیزلیکده بو شرطنامه ایکی مهم مسالهسی ایشی باشلنهدی.
جمهور رییس سوزلاوچیسی اورین باسری نینگ کوپهیتیریشیچه، حکومت باشلیغلری شرطنامهده اشاره قیلینگ مواردلر برچهسی عملگه آشیریلیشیگه جدی توجه قیلهدی.
ملی بیرلیک حکومتی ایجاد ایتیلیشی اساسی مسالهلریدن برقی کیملیک ترقهتیلیش، اساسی قانون تعدیل ایتیش لویه جرگه بولیب اوتیشی، صدارت پستی ایجاد ایتیلیشی، سیلاو نظامیگه اوزگریش کیلتیریش بولگن که تحلیلچیلرگه کوره، حاضرگه قدر بولردن هیچ بیری هم عملی بولمهگن.
