غزنی معارفی نینگ باشلیغی سلیقهیی یاندهشیش و وظیفهیی صلاحیتلریدن سوءاستعمال قیلیش گه عیبلنگن.
غزنی ولایتی نینگ معارف ریاستی ده خویشخورلیک و فساد باعث، وزیرنینگ حکمی عملی بولمهیدی.
سلاموطندار تامانیدن قولگه کیریتیلگن معلومات اساسیده، غزنی ولایتی نینگ معارف ریاستینی باشلیغی اجراییه ریاستی نینگ بیرینچی اورین باسری و عبدالهادی ارغندیوال نینگ رهبرلیگی ده بولگن اسلامی حزب نینگ رهبرلیک کینگشی نی اعضاسی انجنیر محمدخان نینگ یقین آدملریدن بیری بولگنی باعث، ایریم پیتلر اوز ایستهگی بیلن ایشلاوچیلرنی ایشدن آلیب و اوزگرتیرهدی.
سلاموطندارگه صحبت بیرگن منبع نینگ ایتیشیچه، غزنی ولایتی نینگ معارف ریاستی 10 ییلدن بویان اسلامی حزب نینگ گرویده بولگن و حاضرگهقدر معارف وزیرلیگی نینگ رهبرلیگی تامانیدن بو ریاست نینگ وضعیتی گه دقت قیلینمهگن.
سلاموطندارنینگ اختیاریده بولگن حجتلرگه اورگتیش و تربیهلش (معارف) وزیرلیگی نینگ سرپرستی میرویس بلخی، شکایتلرگه تیکلش اوچون اجتماعی ایشلر بوییچه جمهور رئیس نینگ ییریک مصلحتچیسی، اداری ایشلر ادارهسی، پارلمان ایشلر بوییچه دولت وزیرلیگی، نمایندهلر کینگشی، باش قارهلاوچلیک، غزنی ولایت مقامی، اداری اصلاحات ادارهسی نینگ ملکی خذمتلر شکایتلری گه تیکلش بوردی دن بولگن مکتوبلر و شونینگدیک، باشقه نیچه مکتوب شامل بولهدی و بو مکتوبلر غزنی ولایتی نینگ معارف ریاستی باشلیغی محبالرحمان انصار تامانیدن سلیقهیی یاندهشیش و وظیفهیی صلاحیتلریدن سوءاستعمال قیلیب غزنی معارف ریاستی نینگ ایشدن آلینگن ایشلاوچیلریدن بیرقطاری قیته ایشگه آلینیشی اوچون یوباریلگنینی کورستهدی و جناب انصار بو ادارهلرنینگ بوتون قراری و حکملرینی نظرگه آلمهگن. منبع دن نقل قیلینیشیچه، محبالرحمان انصار، حزبی علاقهلری و اجراییه ریاستی نینگ بیرینچی اورین باسری انجنیر محمدخان بیلن یقین علاقهده بولگنی باعث، حکومت نینگ بیرینچی درجهلی ادارهلرینی برابریده توختهتب و حکملر عمل گه آشیریلیشیدن باش تارتگن.
محبالرحمان انصار کمیده ایکی ییل آلدین، قویاش 1396- ییل، 26- جدی ده «سیبیآر» رقابتی برنامه آرقهلی بو ایش گه تعیین ایتیلگن. سلاموطندارنینگ اختیاریده بولگن حجت گه کوره، جناب انصاری بیرینچی سلیقهیی و قانون گه ضد حرکتیده غزنی معارف ریاستی نینگ تعلیماتی اورین باسری نثاراحمد آزادزوی، معارف آمری محمدحنیف، ایسکی شهر قیزلر لیسهسی آمری رعنا، معارف ریاستی نینگ مالی و اداری مدیری مسعود، اوقیتووچیلرنی تربیهلش ادارهسی نینگ مالی و اداری مدیری عبدالمناف، انسانی منبعلر مدیری محمد اسماعیل، تعلیمی نظارت آمری محمد عالم و معارف ریاستی نینگ اویغونلیک و منسجملشتیرووچی آمری عبدالقیوم لرنینگ خذمتی شکلده باشقه بستلرده تعیین قیلگن. منبع گه کوره، غزنی معارفی نینگ باشلیغی باسیملر و اسلامی حزب گه یقین کیشیلر بیلن اوچرهشوو نتیجهسیده بو کیشیلردن بیرقطاری نینگ وظیفهلری گه قیترگن، بیراق باشقه بیرقطاری معارف وزیرلیگی، جمهورلیک ریاستی و باشقه مسؤول ادارهلرنینگ مکتوبی بیلن بوش قالیشگن و شونینگدیک، ایکی ییللیک حقوقلرینی هم قولگه کیریته آلمهگنلر.
.jpg)
سلاموطندارنینگ اختیاریده بولگن حجت گه کوره، غزنی معارف ریاستی نینگ باشلیغی نی سلیقهیی یاندهشیشلری، خویشخورلیگی و فساد موجودلیگی خصوصیده بولگن شایعهلر ریاست دن تشقری چیققنیدن سونگ، معارف وزیرلیگی بو ادعالر تیکشیریلیشی اوچون بیرهیأت نی غزنی گه یوبارگن. هیأت هم غزنی معارف ریاستی باشلیغی محبالرحمان انصارنینگ سلیقهیی یاندهشیشلری، خویشخورلیگی و قیلگن فسادی توغریسیده بولگن ادعالرنی تصدیقلگن. جمهور رئیس غنی غزنی ولایتی گه سفر قیلگن چاغیده اعتراضچی ایشلاوچیلر تامانیدن یازیلگن مکتوب ده کیلیشیچه: «بو ادعالر معارف وزیرلیگی تامانیدن یوباریلگن هیأت نینگ تیکشیروولری اساسیده اثباتلنگن و بونگه علاوه، هیأت نظریهسیده معارف باشلیغی تامانیدن بولگن کینگ فساد توغریسیده تذکر بیریلیب و سوانحسیده اخطاریه کیریتیلگن.»
اوشبو مکتوب ده غزنی گه معارف وزیرلیگی تامانیدن یوباریلگن هیأت نینگ قراری و قانون، قاعده و لایحهلرگه قرشی وظیفهلریدن چیکلنتیریلگن ایشلاوچیلرنینگ قیتیشی موجود دیر. شونینگدیک، معارف وزیرلیگی تامانیدن یوباریلگن هیأت نینگ گزارشی ده کیلیشیچه، اوشبو ریاست نینگ کلیدی ایشلاوچیلری معارف باشلیغی تامانیدن ایشدن آلینگنی قانون گه قرشی دیر. معارف وزیرلیگی بیر مکتوب اساسیده، غزنی ولایتی نینگ معارف ریاستیدن مذکور وزیرلیک نینگ سونگی قراری گچه غزنی معارف ریاستی نینگ تعلیماتی اورین باسری شامل کلیدی ایشلاوچیلرینی وظیفهلریگه قیتریشینی سورهگن. بیراق غزنی ولایتی نینگ معارف ریاستی باشلیغی وزیرلیک نینگ بو حکمیدن باش تارتگن.
بوندن کیین، اداری ایشلر بوییچه ادارهسی، پارلمان ایشلری بوییچه دولت وزیرلیگی و نمایندهلری کینگشی، قویاش 1397- ییل، 13- و 14- قوس ده معارف وزیرلیگی گه مکتوب یوباریب غزنی معارف ریاستی نینگ اعتراضچی ایشلاوچیلری نینگ شکایتلری تیکشیریلیشی سورهلگن. بیراق معارف وزیرلیگی هم شونچه مدتده غزنی معارف ریاستی نینگ باشلیغی گه نیچه مکتوب یوباریب و علاقه قورگن، لیکن بولردن هیچ بیری عملی بولمهگن. معارف وزیرلیگی نینگ سرپرستی میرویس بلخی نینگ امضاسی بولگن مذکور وزیرلیک مکتوبیده کیلیشیچه: «غزنی معارف ریاستی اینیقسه مذکور ریاست باشلیغی حرمتلی محبالرحمان انصارگه ایسلهتیلهدی کیم، کیلهجکده قانون، قاعدهلر و طرزالعمللرنینگ حکمی اساسیده، ایشینی توزهتیب و قانون گه قرشی توشونمسدن مسؤوللرنینگ خواطرگه سالمهی و بیریلگن مسؤولیت صلاحیتلریدن قانونی شکلده فایدهلنیشی کیرهک.»
.jpg)
شونینگدیک قویاش «21/11/1397» تاریخیده ملکی خدمتلر شکایتلرینی تینگلش مکتوبی نینگ کورستیشیچه، جناب انصارنینگ حرکتلری قانون گه قرشی ایکن. مکتوب نینگ ایریم بولیمیده کیلیشیچه، «تدریسی اورین باسری نثاراحمد و انسانی منبعلر مدیری محمداسماعیل شکایتی توغریسیده، مقرره نینگ 2- فقرهسی اساسیده اداره حرکتلری تیگیشلی تقنینی سندلرگه قرشی بولیب و مذکور کیشیلرنینگ شکایتی تصدیقلندی.»
مذکور مکتوب آستیده اداری اصلاحات ملکی خدمتلر شکایتلرتی تینگلش کمیسیونی 3 کمیشنری نینگ امضاسی کورینهدی کیم غزنی معارف باشلیغی حرکتلری نینگ «ناقانونی و طرفلی» دیگن.
جناب انصار باش قارهلاوچیلیک که تانیتیلگنی و کمیسیون قراریدن بیر آیدن کیین تدقیقات بوییچه باش قارهلاوچیلیک اورین باسری نورحبیب جلال اجتماعی شکایتلر بوییچه جمهوررئیس ییریک مصلحتچیسی نینگ مکتوبی جوابیده یازیشیچه، دوسیهنی کوپینچه تیکشیریلیشی اوچون اداری اصلاحات کمیسیونیده یوباریلگن و مذکور کمیسیونی نهایی قراری نی سونگی اجراأت اوچون مصلحتیچیلیک که یوبارهدی. جمهورلیک ریاست ییریک مصلحتچیلیگی 3 هفتهدن کیین مکتوب نی معارف وزیرلیگی گه یوبارهدی و اوشبو وزیرلیکدن غزنی معارف باشلیغی نینگ ناقانونی ایشلری یکونلنیشی اوچون اقدام قیلیشی نی سورهگن. مذکور مکتوب نینگ بیر بولیمیده کیلیشیچه: «اسنادنینگ 3 کاپیسی مذکور مقام گه تقدیم دیر و بو توغریده اوز صلاحیتلری اساسیده، شکایت رفع قیلینیشی ممکن.»
بو مکتوب آستیده اجتماعی ایشلر بوییچه جمهوررئیس ییریک مصلحتچیسی اسدالله وفانینگ امضاسی کورینهدی کیم معارف وزیرلیگی یانیده والی دفتری و غزنی ولایتی نینگ استیناف قارهلاوچیلیگی گه یوباریلگن.
معارف وزیرلیگی یانیده شونینگدیک مذکور ایکی اداره اوز سهملری اساسیده، غزنی معارف باشلیغی گه رسمی مکتوب یوباریب تدریسی اورین باسری نثاراحمد آزادزوی، انسانی منبعلر مدیری اسماعیل و شونینگدیک ناقانونی شکلده ایشدن چیقاریلگن باشقه کیشیلرنینگ قیتهدن ایش گه آلینیشی نی سورهگن.
بیراق، غزنی معارف باشلیغی محبالرحمان انصار مذکور قرارلرگه توجه قیلمهی و هیچ بیری نی عمل گه آشیرمهگن.
معارف وزیرلیگی سوزلاوچیسی نوریه نزهت نینگ سلاموطندارگه ایتیشیچه، غزنی ولایتی بوییچه معارف ریاستی باشلیغی محبالرحمان انصار نینگ دوسیهسی باش قارهلاوچیلیککه یوباریلگن و اوشبو دوسیهده جناب انصار اداری فساد، صلاحیتلردن ناتوغری فایدهلنیش و قانونگه قرشی حرکت قیلیشگه عیبلنگن.
.jpg)
بیراق، معارف وزیرلیگی سوزلاوچیسی، جناب انصار نینگ صلاحیتلردن ناتوغری شکلده فایدهلنیش، اجرایی ریاستی نینگ بیرینچی اورین باسری بیلن بولگن عایلهوی رابطهلردن فایدهلنیب مربوط بولگن نهادلر اینقسه معارف وزیرلیگی قرارلری برابریده توختهیشی خصوصیده فکر بیلدیرمهیدی.
عینحالده، باش قارهلاوچیلیک ادارهسی سوزلاوچیسی جمشید رسولی نینگ ایتیشیچه، غزنی ولایتی بوییچه معارف ریاستی باشلیغی نینگ دوسیهسی نیچه آی آلدین اوشبو نهاد گه کیلگن ایدی، بیراق تیکشیریلگنیدن سونگ، قیتهدن معارف وزیرلیگی نینگ تفتیش بولیمیگه یوباریلگن و مذکور دوسیه قیتهدن باش قارهلاوچیلیک ادارهسیگه یوباریلمهگن.
اجرایی ریاستی بیرینچی اورین باسری انجنیر محمدخان نینگ سکرتری کلیمالله سراج نینگ سلاموطندارگه ایتیشیچه، غزنی ولایتی بوییچه معارف ریاستی باشلیغی محبالرحمان انصار اجرایی ریاستی نینگ بیرینچی اورین باسری اقاربلریدن دیر، بیراق باشقه سوراقلرگه جواب قیترمهگن.
غزنی ولایتی بوییچه معارف ریاستی باشلیغی محبالرحمان انصار نینگ مذکور ادعالرنی رد قیلیب سلاموطندارگه ایتیشیچه، اونینگ سونگی حرکتلری جمهورلیک ریاستی حکمی و عیاللرنینگ کلیدی بستلرده جایلشتیریلیشی خصوصیده، 1395- ییل کابینه تامانیدن تصدیقلنگن مصوبه اساسیده صورت تاپگن.
جناب انصار نینگ ایتیشیچه، اونگه قرشی دوسیه توزهتگن کیشیلر، غزنی معارف ریاستیگه هیچقندی فساد دن قول تارتمهگنلر. جناب انصارگه کوره، سونگی کونلرده معارف وزیرلیگی تامانیدن غزنی معارف ریاستیگه یوباریلگن مکتوبده اونینگ گناهسیزلیگیگه اشاره قیلینگن.
محبالرحمان انصاردن آلدین، میدانوردک یشاوچیسی محمد عابد عابد، غزنی ولایتی نینگ قرهباغ تومنی یشاوچیسی احسانالله ناشر و پکتیکا یشاوچیسی حسنمبارک عزیزی عبدالهادی ارغندیوال رهبرلیگیگه بولگن اسلامی حزب ییریک اعضالریدن بولیب غزنی ولایتی بوییچه معارف ریاستی رهبرلیگیگه فعالیت قیلگنلر.
