توش اوتر-اوتمس شیراتون هُتلی گه ییتیشدیک؛ اوچاقده بولگن اوچ ساعتلیک سفر زیرِیکرلی ایدی، بیراق بحث و مذاکره و دولت گه قرشی اینگ جنجللی گروه نی کوریش وضعیت نی اوزگرتیردی.
اوچ ساعتلیک سفر جریانیده ییللر بوییچه آتلرینی تورلی هجوملرنی مسؤوللری صفتیده ایشیتگن گروه نینگ نمایندهلری بیلن قندهی قیلیب اوچرهشیش و بحث قیلیشنی توشونردیم.
افغانستان آسمانیدن چیقر-چیقمس کوزیم افغانستان سیاسی سیمالریگه توشدی و اولر بیر-بیراوی بیلن پِس-پِس قیلیب و بیر-بیراوی نینگ قولاغیده بیر نرسهلر دییدیلر. بیر ساعت اوتگنیدن سونگ، بیللی بولدی کیم، افغانستان هیأتی نینگ نمایندهلری، طالبان گروهی بیلن اوتکزیلهدیگن مذاکره ده قوشمه بیر توشونچه بولیشنی آرقهسیده ایکنلر. بو سوزلشوولر اوچاقده دوام ایتهدی و کورینیشیچه نمایندهلر باشقه موضوعلر توغریسیده کیین گپلشگه قرار قیلدیلر؛ افغانستان هیأتی نینگ نمایندهلری قوشمه بیر توشونچه ده بولمهگن دلیللردن بیری، هیأت تورلی جمعیت جملهدن سیاستچیلر، خبرچیلر و عیاللردن تشکیل ایتیلگنی گه دیر.
نتیجهده مسؤوللر مقصدگه ییتیشگنی و اوچاق قونیشیدن خبر بیرهدیلر. بیز شیراتون بارهمیز؛ قطرنینگ دوحه شهریده بولگن چیرایلی هُتل. مذکور هُتل دوحه نینگ بیر چیکهسیده خلیج فارس قوشنیلیگیده جایلشگن. عادتاً قطرگه سیاحت اوچون اوچ کیلگنلر یشش اوچون شیراتون نینگ سیلشهدی، بیراق بو مرته مذکور هُتل افغانلر ارا تینچلیک سوزلشوولریگه میزبان ایدی.
هُتل گه ییتیشگن چاغیمیزده قویاش 90 درجهلیکده توختهگن ایدی. بیزلر ایسه اتاقلریمیزگه باریب و ایرته افغانلر ارا اوتکزیلهدیگن ایکی کونلیک سوزلشوولرنی بیرینچی کون ییغینی اوچون تیار بولیش گه قرار قیلدیک.
بیرینچی اوچرهشوو
او کون ایرتهسی هُتل نینگ دهلیزیده توپلندیک و عالم ارا امید و امیدسیزلیک بیلن افغانلر ارا سوزلشوولرنی بیرینچی دوری اوتکزیلیشی خصوصیده طالبان هیأتی نینگ کوتیب توردیک. کوتیش یکونلندی و زمانی کیلدی و اوزاقدن کوردیم که طالبان گروهی نینگ 14-15 کیشیلیک هیأتی اورتهده شیرمحمد عباس استانکزی کوریندی.
استانکزی نینگ سونگی مرته مسکو تینچلیک ییغینیده کورگن ایدیم. او، اورته بویلی، کته کوزلی، اچیق سیمالی و سقالی یریم قریش کیلمهیدیگن بیر کیشی دیر. حاضرهم او، اوشندهی کورینهدی، لیکن سقالی بیرآز اوزگرگن.
اوزون تسبیحلر و چیرایلی کییملر
سفرنامهنی بو قسمتیده افغانستان هیأتی و طالبان نمایندهلری نینگ کییملری توغریسیده بیرآز توختهلیک اوتسک یامان بولمهیدی. طالبان هیأتی نینگ بوتون اعضالری و کابل هیأتی دن بیرقطاری، باشلریده سله اورهب و محلی کییملر کییگن ایدیلر و بیرقطاری نینگ قولیده هم اوزون-اوزون تسبیحلر بار ایدی.
طالبان گروهی نینگ بیش ییللیک حکومتیده رسمی کییم آق کویلک و قاره ییلک «واسکت» ایدی. مذکور گروه حاضرگهقدر بو کییم نی سقلهگن و دوحه ییغینیده هم شو کییم بیلن کورینگنلر. طالبان هیأتی نینگ کییمی بیر قسم ایدی و اوشندهی توشونچهلری هم بیر قسم کورینردی؛ بو علاقه افغانستان هیأتی نینگ نمایندهلریگه هم صدق قیلردی؛ کییملری تورلی و توشونچهلری هم فرقلی ایدی.
افغانستان نمایندهلری نینگ آرهسیده ملاضعیف گه اوخشهگن بیرقطار کیشیلرنینگ کورینیشی طالبان هیأتی نینگ کورینیشی کبی ایدی و توشونچهلری هم مذکور گروه نینگ آدملریدن فرقلی ایمس دیر. بو سفرده اونینگ نیچه مرته بیر قطار کیشیلر بیلن کوردیم و ایریم پیتلر آغزیده آغاچ مسواک تیشلرینی تمیز قیلردی.
کابل نمایندهلری نینگ آرهسیده سیدمنصور نادری باشقهلردن کوره کوپراق اوزیگه ییتیشردی. اونینگ باشیده قرهقل کلاه، اوستیده آق کییم و آیاغیده قیمت بها آق بوتی بار ایدی. اونینگ چپ قول برماغیده کورینیشیچه آق آلتیندن بولگن الماس دانهلری بیلن بیزهلگن عقاب سیمالی یوزوک کورینردی.
افغانستان هیأتی نینگ نمایندهلریدن بیری حکمت خلیل کرزی نینگ اوزاقراق کوردیم، او ایسه، نادری دن کیین چیرایلی کییم کییگن ایکینچی کوریندی؛ اونینگ اوستیده قندهارلیک کویلک و آیاغیده پشاوریلیک چپلی بار ایدی.
کابل هیأتی و طالبان نمایندهلری آرهسیدهگی قوشمه مسئله تسبیح ایدی؛ بو توغریده هم منصور نادری نینگ اوزیگه عاید تسبیح سی بار ایدی و باشقهلردن اوستون ایدی. شو مدت جریانیده نیچه مرته افغانستان و طالبان نمایندهلری نینگ قوللریده تسبیح ایلنگنینی کوردیم؛ اولر، تسبیح دانهلرینی ایلنتیریب و عین زمانده صحبت قیلردیلر. کورینیشیچه دانهلرنی ایلنتیریش یالغیز عادت و نمایش دیر.
عین حالده، کابل نمایندهلری نینگ توشونچهلری جوده هم فرقلی کورینردی. آچیقچه معلوم بولردی کیم، حامد کرزی گه یقین نمایندهلرنینگ توشونچهلری باشقه نمایندهلردن فرقلی ایدی و اولر بیلن یالغیز نیچه موضوع جملهدن آتیشکیسین توغریسیده بیر فکرده ایدیلر.
طالبان اوچون چادر
دوحه ییغینیدن آلدین یولگه قوییلگن ییغینلرده، طالبان نمایندهلری نینگ خبرچی عیاللر بیلن نشر ایتیلگن صورتلری کوپینچه عکسالعمل لرگه روپهرو بولدی. شو یوزهدن طالبان اعضالری اوشبو ییغینده کوپینچه محافظهکارلیک بیلن ارهلشگن. ییغین نینگ بیرینچی کونیده توشدن کیین بیر عیال طالبان نینگ بیر اعضاسی گه یقینلشدی، بیراق طالبان نمایندهسی صورتی کمره گه آلنمهسی اوچون یانیدهگی یَستیق نی تیزلیککه اونگیده آلدی.
قطر ییغینی نینگ «برگوف» ناملی بیر نهاد یولگه قویدی. مذکور نهادنینگ عیال اعضالری ییغین کونلریده طالبان نینگ حضوری باعث قَرص کیگن ایدیلر. بو حیرتلی دیر کیم عیاللر طالبان نینگ حضوری باعث، کییملرینی اوزگرتیرگن بیر حالده، افغانستان یشاوچیلری طالبان نینگ قبول قیلیشی ممکن می؟
شوندهی بیرحالده، طالبان نمایندهلری بیر میز اطرافیده افغانستان عیال هیأتی بیلن بیرگه ییمک ییش گه حاضر بولمهدیلر و حبیبه سرابی نینگ شیرمحمدعباس استانکزیدن ییمک میزی اطرافیده بیرگه اولتیریش توغریسیده بولگن ایستهگی جوابسیز قالگن ایدی.
.jpg)
آرهلیکلردن بیری ده افغانستاندن هیأت بولیب بارگن عیاللرنینگ بیرینی آلدیگه باردیم. شونینگدیک، او جالب بیر قضیه نی قصه قیلدی. اوشبو عیال نینگ ایتیشیچه، طالبان افغانستان هیأتیدن ایرکک و قیزلرنی صنفی اَیریلیشی نی سورهگن ایکن. اوشبو گروه اعضالری گه کوره، قیزلر دکترا سطحی گچه تحصیل قیله آلهدی، بیراق اَیری صنفلرده. افغانستان نینگ اوشبو نمایندهسیدن ایش توغریسی گه سورهدیم. او، «طالبان عیاللرنینگ ایش قیلیشی توغریسیده تینچ و توغری فضانی قید قیلگن.» دیدی.
امام کیم ایدی؟
بیرینچی کون یکونلنیشی گه قدر طالبان هیأتی و افغانستان نمایندهلریدن قطاری نینگ طهارت و نماز ادا قیلیشی فکریم نی اوزیگه جلب قیلدی. مسکو ییغینیده سوزلشوو تامانلری نینگ جماعت نمازیدن صورت چیقیب و کوپینچه جنجل یولگه تشلهدی. بیراق دوحهده وضعیت فرق قیلردی. بیرینچی بو کیم شیراتون گه پرزیدنت مسکو هُتلی گه قرشی مسجد موجود دیر و ایرککلر و عیاللر اَیری شکلده نماز ادا قیله آلهدیلر. ایکینچی مسکو ییغینیدن چیققن صورتلر باعث خبرچیلرگه مسجد گه کیریش رخصتی بیریلمهدی. شو یوزهدن نمازنی کیم امامت قیلگنی بیللی بولمهدی. کورینیشچه قطار کیشیلر طالباننینگ امامی گه اقتدا قیلگن و شونینگدیک قطار کیشیلر یکهلیکده نماز اوتکزگنلر؛ بو موضوع مسجددن چیقهدیگن کیشیلرنینگ یوزیدن کورینهدی ایدی.
طهارت قیلیش اوچون شیراتون گه توغری بیر حاجتخانه یوق ایدی و آدملر توریب آیاقلرینی چیقهیدی ایدیلر؛ بو قیینچلیک حاجتخانه نینگ بوتونلی سووگه باتیشی گه سبب بولدی. بوندی بیر وضعیت نی کورگنده افغانستانلیکلردن باشقه چیده آلمهیدی.
شونینگدیک، بوندهی بیر وضعیت کوپینچه خبرچیلرنینگ هم دقتینی جلب قیلدی. اغراق بولمهسین، بوندهی بیر وضعیت نی کوریب افغانستاننی اِیسلهدیم و بیر نیچه لحظه افغانستانده بولگنیمنی توشوندیم؛ لیکن قطر ایدیم و بیزلر ایسه بیش یولدوزلیک بیر هُتل ده ایدیک.
.jpg)
چیرایلی عکس آلینگ!
بیرینچی کون ییغینی یکونلندی. سوزلشوولر یخشی شکلده اوتی. ییغین بیرینچی کونی نینگ یخشی شکلده یکونلنیشی سبب، طالبان نمایندهلری و کابل هیأتی امیدوارلیکلر توغریسیده صحبت قیلردی.
نمایندهلر، ییغین یکونلنگنی دن سونگ، هُتل گوشهلریده ژورنالیستلر و یاردمچیلری بیلن صحبت قیلهدیگن بیرچاغده، افغانستان تینچلیک لایحهسی بوییچه آمریکا خاص نمایندهسی زلمی خلیلزاد داخل بولدی. افغانستانلیک لر ارا تینچلیک سوزلشوولر آمریکا و طالبان نمایندهلری آرهسیده بولگن مذاکره جریانیده یولگه قوییلدی و افغانستانلیکلر ارا تینچلیک سوزلشوولر یکونلنگنیدن سونگ هم طالبان و آمریکا نمایندهلری نینگ سوزلشوولری دوام قیلیشی خصوصیده قرار آلیندی.
هرکون افغانستانلیکلر ارا تینچلیک سوزلشوولر یکونلنگنیدن سونگ، خلیلزاد اورتهگه چیقیب سوزلشوولر تامانلری نینگ سعی و حرکتلریدن تقدیر قیلهریدی. او باشقهلردن کوپراق دقت آستیگه قرار تاپهریدی. هرمرته کیلگنیده افغانستان نمایندهلری و ژورنالیستلر هجومی بیلن روپهره بولهریدی؛ او آرام و کیلهجککه امیدوار بولگن بیری ایدی.
طالبان نمایندهلری جملهسیدن استانکزی اچیق سیمالی ایدی؛ انهشوسبب ییغین بیرینچی کونیده هُتل مسووللری تامانیدن تیرگاوگه آلینگنی سبب، اچیق لندی و ییغین توختهتیلدی و قطر مسووللرینینگ سعی و حرکتیدن سونگ، قیتهدن باشلندی.
طالبان نمایندهلریدن باشقه بیری امیرخان متقی خوش برخورد ایدی. او باشقهلردن کوره یخشی یول بارهریدی. کیلگن معلوماتلرگه کوره، طالبان بو اعضاسی حکایه ایتیب ییغینده بولگن لرنی کولدیرهریدی. عکس آلیش اوچون یانیده بارگنیمده « چیرایلی عکس آلیشیم.»گه اشاره قیلدی. او هر عکسنی کورگنیدن سونگ عکاس نی تقدیر قیلهریدی.
طالبان اعضالری و کابل نمایندهلری گاهگاهی توپلهنیب صحبت قیلهریدیلر؛ اولر بیربیراولری نینگ قوللرینی آلیب قیزغینلیکده سورهریدیلر؛ کورینیشیچه هیچقندی تارتیشوولر اولر آرهسیده یوق دیر.
ییغین ایکینچی کونیده، کابلده یوز بیرگن خودکش هجوم خبری بوتون هُتل گه ترقهتیلدی. اوشبو خبر کابل هیاتی و طالبان نمایندهلری آرهسیده بولگن سوزلشوولر اوستیگه هیچقندهی تاثیر قویمهدی.
.jpg)
تویه قونغیراغی
ییغین باشلنمسدن آلدین برنامه آجنداسی صحنهگه بولگنلر اختیاریگه قوییلدی. بو آجندا برنامهلری باشلهنیشیگه طالبان کیچراق حضور تاپتی و اداغده شرطنامه نیچه ساعت آرتده قالیش بیلن ترقهتیلدی آجندا هماهنگ ایمس ایدی.
باشقه موردگه چای وقفهسی و استراحت قیلیش نظرگه آلینگن ایدی. بیراق ییغین اعضالرینی وقفه و نماز زمانی یکونلهنیشیدن خبردار قیلیش اوچون قونغیراغی تویهنی قونغیراغی دیک بولگن بیرکیشی قطرلیکلر تامانیدن تعیین ایتیلگن ایدی. ییغین اعضالرینی قونغیراغ بیلن خبردار ایتیلیشیگه کوره، ییغینده اشتراک قیلگنلر تقیسم اوقاتگه جایلشتیریلگن زمانده ارزش بیرمس ایدیلر.
ایکی کونلیک سوزلشوولر شوندهی وضعیت بیلن یکونلندی. مین باشقه قطار یولداشلریم بیلن کیچهنی یریمیگچه شرطنامه اعلان ایتیلیشینی کوتیب قالدیک. شرطنامه تیارلنیشی اوچون افغانستانلیک هیأت نینگ قطار اعضالری و طالبان نمایندهلری ساعتلرچه بیر تالارده صحبت قیلیشدیلر و بیز هم بو تامانده اولرنینگ چیقیشینی کوتیب توردیک. نتیجهده شرطنامه ترقهتیلدی. بوتون افغانستان یشاوچیلری نینگ ایستهگی بولگن موضوعی «آتیشکیسین» توغریسیده شرطنامهده کیریتیلمهگن ایدی.
او کون ایرتهسی مین ایسه قطار یولداشلریم بیلن کابل تامان یول آلدیم؛ اویگه کیلگنیمده وضعیت قندهیلیگی دن خبردار بولیشیم اوچون تلویزیون نی آچدیم؛ ساعت 6 اطرافیده ایدی و خبرچیلر طالبان گروهی مسوولیتینی آلگن هجوم خصوصیده معلومات بیرردی؛ بو هجومده بالهلر و مکتب اوقووچیلری کوپراق قربانلیک بیرگن ایدی.
