سیاسی ایش بیلرمانلردن بیرقطاری، افغانستان تینچلیک جریانی اوستیگه کشمیرنینگ سونگی مسئلهسی سلبی تأثیر قیلیشی خصوصیده بولگن خواطرلرنی بی مورد دییدیلر.
پاکستان حکومتی بوندن آلدین کشمیر توغریسیده هند بیلن بولگن قیینچیلیگی نی افغانستان تینچلیگی گه ربط بیریب و بو یولدن آمریکانینگ اوستیگه باسیم کیریتیب و افغانستان تینچلیک جریانیده پاکستان گه یاردم بیریش اوچون کشمیر موضوعی ده میانجیگرلیک قیلمهسینی ایستهگن ایدی.
سیاسی ایش بیلرمان یونس فکورنینگ ایتیشیچه، کشمیر مسئلهسی افغانستان تینچلیک جریانی گه باغلیق ایمس دیر و بو هند و پاکستان آرهسیده تأریخی بیر قیینچیلیک سنلهدی.
اونگه کوره، آمریکا بو مرته ایستک فرصتی نی پاکستان گه بیرمهیدی.
شونینگدیک، بوندن آلدین پاکستان سناتورلریدن بیری نینگ ایتیشیچه، آمریکا و دنیا جماعهچیلیگی کشمیر مسئلهسینی حل قیلگونگهقدر پاکستان، افغانستان تینچلیک جریانیده یاردم بیرمهیدی.
سیاسی ایش بیلرمانلردن باشقه بیری محبالله شریف نینگ ایتیشیچه، آمریکا بوندن آلدین پاکستان ایستکلریدن بیرقطارنی قبول قیلگن ایدی و او ایستکلرنینگ اینگ اونملیلریدن بیری، پاکستان نینگ بلوچستان شهریدهگی ایرکینلیک طلب گروهی نی ترورچیلرنینگ رویخطیده آلیش ایدی.
اونگه کوره، حاضر آمریکاییلیکلر افغانستان تینچلیک موضوعی نی کشمیر مسئلهسیدن اجرهتگن و کشمیرنینگ سونگی مسئلهسی افغانستان تینچلیک جریانی اوستیگه هیچ تأثیر قیلمهیدی.
افغانستان بوییچه پاکستان نینگ سابق ایلچیسی رستمشاه مهمندنینگ سلاموطندارگه ایتیشیچه، گرچند پاکستانده قطار کیشیلر کشمیر مسئلهسینی افغانستان تینچلیک جریانی گه ربط بیریش اوچون سعی و حرکت قیلهدیلر، لیکن حقیقت گه قرهگنده، کشمیر مسئلهسی افغانستان تینچلیک جریانی گه باغلیق ایمس دیر و پاکستان بیلن هند آرهسیده بولگن کشمیر مسئلهسی تأریخی بیر موضوع سنلهدی.
اوشبو بیاناتلر ارایه ایتیلگن بیرچاغده، سونگی پیتلر پاکستان رسمیلری نینگ نیچه مرته ایتیشیچه، آمریکا و دنیا جماعهچیلیگی بیرینچیدن کشمیر مسئلهسینی حل قیلیب و کیین افغانستان تینچلیک موضوعی خصوصیده سعی و حرکت قیلیشی کیرهک.
