افغانستان تینچلیک لایحهسی بوییچه آمریکا تشقی ایشلر وزیرلیگی نی خاص نمایندهسی زلمی خلیلزاد، توییتر صحیفهسیده افغانستانلیکلر ارا سوزلشوو شامل افغانستان تینچیلیک جریانی تیزلشتیریلیشی اوستیگه تأکیدلگن.
زلمی خلیلزاد، کابل غربی ده بیر توی مراسمی ده داعش گروهی تامانیدن اویوشتیریلگن خودکش هجومنی قارهلب ایتیشیچه، تینچلیک جریانی تیزلشتیریلگنده، داعش گروهی مغلوب ایتیلیشی اوچون افغانستان یشاوچیلری نینگ ارادهسینی کوچلنتیرهدی.
بوندن آلدین، آمریکا جمهور رئیسی دونالد ترامپ، افغانستان تینچلیک سوزلشوولریده بولگن کیلیشمهلردن راضیلیک بیلدیرگن ایدی.
افغانستانده آمریکا حربیلری کمهیتیریلیشی خصوصیده جناب ترامپ نینگ ایتیشیچه، «حربیلر رقمینی 13 مینگ کیشی گه قدر کمهیتیردیک و بوندن آرتیق هم کمهیتیریلهدی و اوندن کیین افغانستانده حربیلری نینگ قالیشی یا-ده قالمهسی توغریسیده قرار قیلهدی.»
افغانستان تینچلیک لایحهسی بوییچه آمریکا تشقی ایشلر وزیرلیگی نی خاص نمایندهسی، افغانستان تینچلیک جریانی تیزلشتیریلیشی اوستیگه تأکید قیلگن بیرچاغده، آمریکا و طالبان نمایندهلری آرهسیدهگی 8- دور تینچلیک سوزلشوولری بیر هفته آلدین قطرده یکونلندی.
شو توغریده…
آمریکا و طالبان آرسیدهگی تینچلیک سوزلشوولرنی 8- دوری یکونلندی
