نمایندهلر کینگشی ریاستی اوستیگه بولگن جنجل 7 کوندن بویان میررحمان رحمانی و کمالناصر اصولی نینگ آرهسیده دوام ایتماقده.
نمایندهلر کینگشی سیلاوی و اوشبو کینگش نینگ 27 کیشیلیک کمیتهسینی تیکشیروولری اساسیده، جناب رحمانی کینگش باشلیغی صفتیده اعلان ایتیلگن. بیراق، کمالناصر اصولی و طرفدارلری نینگ توشونچهسی گه کوره، جناب رحمانی 50+1 آوازنی قولگه کیریتمهی و یوتوققه ایریشه آلمهگن.
بوگون "شنبه" انهشو جنجللر باعث، نمایندهلر کینگشی نینگ عمومی ییغینی یولگه قوییلمهگن.
نمایندهلر کینگشی اعضالریدن بیرقطاری نینگ ایتیشیچه، نمایندهلر کینگشی باشلیغی قیینچیلیک بیلن روپهره بولگن و باشقه بیرقطاری نینگ ایتیشیچه، جناب رحمانی و اصولی نمایندهلر کینگشینی گروگه آلگن.
شوتوغریده…
- «شبهلی» بیر آواز اوچون آواز بیریش؛ نمایندهلر کینگشینینگ تقدیری ایرته معلوم بولهدی
نمایندهلر کینگشی؛ 27 کیشیلیک هیات نینگ قراری ایرته اعلان ایتیلهدی
عینحالده، کمالناصر اصولی، نمایندهلر کینگشی نینگ ایچکی وظایف و اصولینی عملی ایتیلیشیگه تاکید قیلهدی. اونینگ ایتیشیچه، هیچکیم گه روز آرقهلی، نمایندهلر کینگشیگه ریاست قیلیش اوچون رخصت بیرمهیدی.
شونینگدیک، نمایندهلر کینگشی اعضاسی خانآقا رضایی نینگ ایتیشیچه، جناب اصولی نینگ ریاست قیلیش بحث یکونلنگن، بیراق اورین باسرلیک و کاتبلیککه اوزنی نامزد قیلهآلهدی.
جناب رضایی نینگ کوپهیتیریشیچه، جناب رحمانی نینگ طرفدارلری بو قیینچیلیکلردن چیقیش اوچون ایرته اعلامیه صادر قیلهدی.
