بوگون «چهارشنبه» کابلده خبری بیر ییغین اوتکزگن غزنی مدنی جماعهچیلیک مسؤوللرینینگ ایتیشیچه، مذکور ولایتنینگ نمایندهلر و تومنلر کینگشی سیلاولری آرتده قالدیریلمهی و تعیین ایتیلگن زمانیده یولگه قوییلیشی لازم.
غزنی مدنی فعاللریدن بیری عوضعلی سعادت، مذکور ولایتنینگ نمایندهلر و تومنلر کینگشی سیلاولریده برچه قومنینگ حضوریدن حمایت بیلدیریب ایتیشیچه، بو ولایتنینگ سیلاولرینی قیینچیلیگی ایرکین شکلده آمریکا و طالبان گروهی سوزلشوولریگه باغلیق دیر.
بیراق، حکومت و طالبان گروهی بوندن آلدین، ولایتلردن بیرقطاری، طالبلرگه تاپشیریلیشینی رد قیلگن.
غزنی مدنی جماعهچیلیک اعضالریدن باشقه بیری شفیعالله شهیرنینگ ایتیشیچه، غزنی سیلاوینینگ قیینچیلیگی ولایت یشاوچیلری تامانیدن ایمس، بلکیم حکومت و سیلاولر ایرکین کمیسیونی تامانیدن وجودگه کیلگن.
شهیرگه کوره، نمایندهلر و تومنلر کینگشی سیلاولری آرتده قالیشی بیر تاماندن یشاوچیلرنینگ حقیدن محروم قیلهدی و باشقه بیر تاماندن قومی جنجللرگه سبب بولهدی و حکومت بو قیینچیلیکنی قیلیش اوچون غزنی گه بیر هیأت یوباریشی کیرهک.
غزنیده یولگه قوییلگن اوتمیشدهگی سیلاوده، هزاره قومیدن 11 کیشی نمایندهلر کینگشیگه یول تاپگن ایدی و بو موضوع باشقه قوملرنینگ عکسالعملی گه سبب بولدی.
غزنی ولایتینینگ یشاوچیلریدن بیرقطارینینگ اعتراضیدن سونگ، سیلاولر ایرکین کمیسیونینینگ مسؤوللری، بیر ییغین یولگه قوییب غزنیده نمایندهلر کینگشی سیلاوی حوزهیی شکلده یولگه قوییلیشینی بیلدیردی و بو قرار غزنی ولایتینینگ باشقه یشاوچیلرینی عکسالعملی گه روپهره بولدی.
