.jpg)
وارسا کنفرانسی شمالی اتلانتیک تشکیلاتینینگ رهبرلری و کیسکین ماموریت مملکتلریگه اعضا دولتلر نمایندهسی اشتراکیده جولای آیی نینگ سکیزینچی و توقیزینچی کونلری پولند پایتختی وارساده اوتکزیلدی. افغانستان بو باسقیچدن ناکام اوتیشی بارهسیده بعضی خواطرلر کوتیلردی؛ اما، عکس حالده، دنیا جماعه چیلیگینینگ مالی حمایتینی یخشی صورتده جلب قیلیشگه موفق بولدی.
افغانستان جمهور رییسی محمداشرفغنی بوگون (دوشنبه) خبری بیر انجمنده اشتراک قیلیب، افغانستان دنیا جماعهچیلیگینی همکارلیک قیلیشگه مجبور ایتمهدی، بلکه قابلیتینی اثباتلش بیلن خلق ارا هم جمعیتنی قاندیریشگه موفق بولدی دیگن.
ییغینده قوشنی مملکتلر توغریسیده اشاره قیلگن جمهور رییسغنی پاکستان بیلن یخشی مناسبتده بولیش اوستیده توختهلیب، اما بو مملکت افغانستاننی چیکهگه چیقاریش توشینی گور گه آلیب کیتسین دیگن. غنی: « افغانستان هیچ بیر زمان هیچ بیر مملکت اختیاریده ایمس و اختیاریگه اوتمیدی» دییه تاکید قیلگن. غنینینگ سوزلریگه کوره، ترورچیلر قهییردهلیگی همده افراطیت قهییردن ایلدیز آلیشینی برچه بیلهدی. او، حاضر افغانستان موقعیتی اوزگرگن و هلی پاکستان چیتده قالگن دیب، افراطیت همده ترورچیلرنی حمایت قیلیش رسمی اسلام آباد تامانیدن دستکلنگن حالده، اوشبو چیتده قالیش دوام ایتهدی ویره دی دیدی.
افغانستان رهبری بو ییریک ییغینده امریکا، آلمان، ایتالیا، ترکیه و بریتانیا رهبرلریدن قیلهجک همکارلیکلری اوچون منتدارچیلیک اظهار ایتیب ایتیشیچه، مذکور مملکتلر دنیا جماعه چیلیگی وعدهسی افغانستان اوچون دوام ایتیشیگه اساسی رول اوینهگن لیکلری بارهسیده اورغولهگن.
جناب غنی، سیاسی قدرتنی آلگن پیتده، امریکه قوشمه ایالتلری فقط افغانستاندهگی ایلچیلیکلری امنیتی تامین ایتیلیشی اوچون حربیلری سانینی 700گه قیسقرتیریش توغریسیده قرار قبول قیلگن ایدی؛ حکومتنی بو بارهسیده آلیب بارگن سعی وحرکتلری اقشنی 11 مینگ حربی قوشینی دوباره افغانستانده سقهلنیب قالیشیگه باعث بولدی دیگن.
.jpg)
محمد اشرف غنیگه کوره، افغانستان منطقه و اسلام دنیاسیده ملی و خلق ارا ساحهده بیر مملکتدن علاوده بوتون همکار مملکتلر رضایتینی آلیشگه موفق بولگن.
مملکت رهبریگه کوره، جمهور رییس صفتیده ایش باشلهگن پیتده کنر ولایتینینگ دانگام تومنیده کوچیلر منطقهسیدن طالبلرنی هیدهب چیقاریش اوچون افغان ملی کوچلری بیر هفته کورهش گنلر؛ بیراق، حاضر وضعیت ایجابی اوزگرگنی باعث افغان ملی کوچلری هر کیچه 12 عملیاتنی موفقیت بیلن اوتکزهدیلر.
اداری فسادنی یوق قیلیش اوچون حکومتنی آلیب بارگن سعی و حرکتلری توغریسیده اشاره قیلگن جناب غنی، ملی مدافعه وزیرلیگی خادملرینینگ ییگولیک آذیق آوقتلریگه صرفلنه دیگن ملغ دن ایکی میلیون افغانی تیجهلیشی اداری فسادنی یوق قیلیش اوچون حکومتنی آلیب بارگن سعی و حرکت لرینینگ بیر مثالی دیگن. شونینگدیک غنی، حکومت اینگ یامان مالی شرایطگه روپه ره بولگن بیر پیتده افغانستان درآمدینی 22% کوتاریشگه موفق بولیب، شیکاگو ییغینیده بیرگن وعدهسیگه عمل قیلدی دیدی.
افغانستان خلقینینگ ایکّی تنلاوی باردیگن جمهور رییس غنی سوزلریگه کوره؛ جواب بیرهدیگن یگانه دولت، یا – ده شخصی منفعتلر اوچون کیچه و کندوز مملکت بویلب تارتیشولر دوام ایتیش.
مملکتنی ترک قیلهدیگن خلق ارا کوچلری اوستیده توختلگن جمهور رییس غنی، میلادی 2014- ییلدن کیین مملکت اقتصادی ییریک ضربه کوردی؛ لیکن، چیت ایللیک حربیلرنینگ افغانستانده قالیشی بو اقتصادی بحران آلدی آلینیشیگه باعث بولگن لیگینی تیلگه آلگن.
افغانستان ملی بیرلیک حکومتینینگ باشلیغلری وارسا ییغینیده مملکتگه همکارلیک قیلگن دولتلرگه انسان حق وحقوقلری، سوز ایرکینلیگی، عیاللر و بلاغتگه ییتمهگن بالهلر و سیلاولر تیزیمیگه اصلاحات کیریتیش اوچون کوپراق سعی وحرکت قیلیشدن سوز بیرگنلر. ایکّی کونلیک ییغین سونگیده نطق سوزلهگن ناتونینگ باش کاتبی حکومت رهبرلریگه خطاب قیلیب، بیرگن وعدهلری عملی بولیش اوچون آلیب بارگن سعی وحرکتلری ییترلی ایمس و بو ساحه ده آلدین دن کوره کوپراق و یخشیراق ایش قیلیشلریگه اشاره قیلگن.
