قطرنینگ دوحه شهریده آمریکا و طالبان گروهی نینگ نمایندهلری آرهسیده 7- دور تینچلیک سوزلشوولری باشلنگن بیرچاغده، طالباننینگ اجرهلگن بولیمی رهبری ملارسول نینگ ایتیشیچه، تینچلیک خصوصیده آمریکا و طالبان گروهی نینگ نمایندهلری کیلیشگن صورتده، اولر بونی قبول قیلمهیدی.
افغانستان دولتی گه قرشی اوروشیب تورگن طالباننینگ اجرهلگن بولیمی رهبرلریدن بیری ملامنان نیازی، آمریکا، پاکستان، چین و ایران نی طالباندن سوءاستعمال قیلیش گه عیبلب ایتیشیچه، پاکستاندن قطرگه بارگن طالبان گروهی نینگ اعضالری، افغانستاننینگ ملی منفعتی توغریسیده اویلمهیدی.
ملامنان نیازی، مملکتدن تشقری تینچلیک خصوصیده اوتکزیلهدیگن سوزلشوو و ییغینلرگه قرشیلیک بیلدیریب ایتیشیچه، بو ییغینلر افغانستانده اوتکزیلیشی کیرهک.
اونگه کوره، قطرده اوتکزیلهدیگن تینچلیک سوزلشوولری افغانستانده باشقه بیر اوروش باشلهنیشی گه سبب بولهدی و مملکتده دایمی برقرارلیک تأمینلنیشی توغریسیده هیچ بیر یاردم بیرمهیدی.
شونینگدیک، سیاسی ایش بیلرمانلردن بیری یونس فکورنینگ ایتیشیچه، کویته کینگشی قومندانلریدن بیرقطاری، قطرده دوام ایتیب کیلهیاتگن تینچلیک سوزلشوولریگه قرشی دیر و بو موضوع کیلهجکده بیر تهدیدگه اوزگریشی ممکن.
اونگه کوره، تینچلیک سوزلشوولری جریانیده طالباننینگ اجرهلگن بولیملریگه سهم بیریلیشی کیرهک و تینچلیک جریانیدن بیران گروه چیتده قالگن صورتده، منطقه مملکتلری نینگ استخباراتی تشکیلاتلری، بو گروهلردن افغانستان منفعتی گه قرشی فایدهلنهدی.
بیراق، سیاسی ایش بیلرمانلردن باشقه بیرقطاری، طالبان آرهسیده قرهمه قرشیلیکلر موجودلیگینی تَن آلیب و ایتیشیچه، طالباننینگ اجرهلگن بولیملری طالبان حرکتی برابریده مقاومت قیله آلمهیدی.
طالبان گروهی نینگ سابق رهبری ملامحمد عمرنینگ اولیمی اعلان ایتیلگنیدن سونگ، قوراللی طالبلردن بیرقطاری ملارسول و ملامنصورنینگ رهبرلیگیده ملاهبتالله نینگ رهبرلیگیده بولگن طالباندن اجرهلگن و طالبان حرکتیدن اجرهلگن ایکی گروه ایریم پیتلر قطار ولایتلرده بیر-بیراویگه قرشی اوروشهدیلر.
