.jpg)
گزارشلرگه کوره، بوگون "دوشنبه" پاکستاننینگ طالبان گروهی و آمریکا نمایندهلریگه میزبانلیک قیلیشی ممکن ایدی؛ بیراق اوتگن کونی اوشبو ییغینی لغو ایتیلیشی بیلدیریلدی.
طالبان گروهینینگ بیر خبرنامه آرقهلی اعلان قیلیشیچه، اوشبو ییغیننینگ لغو ایتیلیش موضوعسی اولرگه تیگیشلی ایمس.
طالبان گروهینینگ اعلامیهسیگه کوره، بو گروه نمایندهلری، اسلامآباد ییغینی اوچون بوتون تیارگرلیکلرنی آلگن ایکن، بیراق بو گروه نمایندهلریدن بیرقطارینینگ آتلری آمریکا و بیرلشگن ملتلر تشکیلاتینینگ قاره رویخطیگه بولگنی باعث، اولرگه سفر قیلیش زمینهسی یرهتیلمهگن.
عینحالده، پاکستاننینگ افغانستاندهگی سابق ایلچیسی رستم شاه مومند نینگ سلاموطندارگه ایتیشیچه، طالبلر قطار اعضالرینینگ آمریکا و بیرلشگن ملتلر تشکیلاتینی قاره رویخطیگه بولگنی و افغانستان حکومتینینگ فشاری باعث، اوشبو ییغین لغو ایتیلگن.
شوتوغریده…
افغانستان جمهور رییسی محمداشرف غنی، اوتگن کونی افغانستان تینچلیک لایحهسی بوییچه امریکا خاص نمایندهسی زلمی خلیلزاد بیلن اوچرهشوو جریانیده، طالبلرنینگ پاکستان بیلن بولگن رابطهسینی بیللی ایتیلیشی کیرهکلیگینی بیلدیرگن ایدی.
عینحالده، پاکستانلیک ژورنالیست سراج علی نینگ سلاموطندارگه ایتیشیچه، اوشبو ییغینی آمریکا نمایندهسی، پاکستان حکومتی و طالبان گروهینینگ نمایندهلری اشتراکی بیلن یولگه قوییلیشی ممکن ایدی، بیراق آمریکا نمایندهسی سفرینی لغو قیلگن.
بوگون "دوشنبه" جمهورلیک ریاستینینگ اعلان قیلیشیچه، اوتگن کیچه جمهور رییس غنی، افغانستان تینچلیک لایحهسی بوییچه آمریکا خاص نمایندهسی زلمی خلیلزاد بیلن اوچرهشوویده واضح و ینگی ایش شیوهسیگه کیلیشگن.
خبرنامه نینگ کوپهیتیریشیچه، اوشبو ایش چارچوبیده، معلوماتلر شریک ایتیلهدی و بیللی اجندا خصوصیده دایمی مصلحت صورت تاپهدی.
