افغانستان ملی مدافعه وزیری مملکت غربیده جایلشگن هرات ولایتیگه سفر قیلگن. اونینگ بو سفردن اساسی نیّتی ملی کوچلرنی یقیندن کوریش بولگن. ملی اورد نینگ رسمیلری بیلن اوچرهشگن ملی مدافعه وزیری فسادگه قولی بولگن شخصلر ملی کوچلر صفیدن چیقاریلیشی توغریسیده بویروق بیرگن.
ملی مدافعه وزیری عبدالله حبیبی نینگ تاکید لهشیچه، مملکتنی مدافعه قیلیش اوچون شیرین جانینی قولدن بیره دیگن حربی عسکر فسادگه باتگن کیشیلرنینگ قربانی بولمس لیگی کیرهک.
مملکت غربیده ییرلشگن ملی کوچلرنینگ ملازملریگه فسادگه قرشی کورهش اوچون جدی بولیشلری اوستیده اورغولهگن جناب حبیبی.
مملکت نینگ مذکور بلند مرتبهلی امنیتی رسمیسی، ملی اردو کوچلری تیکشیریلیشی اوچون معین کمیسیون ایجاد بولگن لیگی حقیده خبر بیرگن. بوندن کیین کیشیلر قابلیت اساسیده بلند مرتبهلی لوازملرگه ایشگه آلینهدی دیگن او.
جناب حبیبی، افغان مخصوص ملی کوچلرینینگ عمومی سانی ایکّی برابرگه آشیریلیشی اوچون سعی و حرکت آلیب باره یاتگن لیگی حقیده علیحده تاکید ایتگن. مخصوص حربیلر اوروشقاق طیارهلر همده زمانوی ترانسپورت بیلن جهازلنهدی دیدی مملکت ملی مدافعه وزیری.
شفق 1.2 حربی عملیات موفقیتلی بولگن لیگی اوستیده تاکید قیلگن مدافعه وزیرلیگی نینگ مسووللری، افغانستان نینگ نا برقرار ولایتلریده قوراللی جنگریلرنی نابود قیلیش مقصدیده «خالد» ناملی بهاری حربی تازهلش عملیات یولگه قوییلیشینی تیلگه آلگنلر.
