اجرایی باشلیغی عبدالله عبداللهنینگ ایتیشیچه، افغانستان حاضراینگ یمان وضعیتده قرار تاپگن و قومی جنجللرگه قول اوریشلیک وضعیتنی باشقریشدن چیقاریشی ممکن.
مارشال محمد قسیم فهیم تورتینچی وفات ییلی مناسبتیده سوزگه چیققن عبدالله مارشال فهیم افغانستان بیرلیگی اوچون اویلهگن بو عمرینینگ اداغیگچه تینمی تلاش قیلگن دیدی.
اجرایی باشلیغی سوزلرینینگ بیر قسمیده طالبانگه بولگن پیشنهاد خصوصیده هم سوزلهدی. عبدالله تینچلیک ایشیکلرینی هیچ قندهی شرط سیز آچیب قویگنلیکلرینی ایتیب و عینی حالده اولربیلن اوروش دوامی بارلیگینی هم معلوم قیلهدی.
کابل پروسهسی ایکینچی ییغینیده طالبانگه پیشنهاد باغلهمی معلوم قیلندی. عبدالله جمهوررییس غنی تمانیدن طالبان اوچون دفتر آچیلیشی، اولرگه ویزه بیریلیشی، تحریملر اوستلریدن آلینیشی، رسانهلرگه قول تاپیش و عایله اعضالری افغانستانگه کیلتیریشی حقیدهگه اشاه قیلگن.
امریکا کوندهلیگی نیویورک تایمزبیلن صحبت قورگن گلبدین حکمتیار حکومت بیرقطار منطقهلرنی ایرکین شکلده طالبانگه تاپیریشینی طلب قیلگن. او شخصا اوزی مذکور طلبنی جمهوررییس بیلن اورتهگه قویگنینی ایتیب، مذکور طلب جمهوررییسگه هم منظور بولگنینی ایتگن.
محمد قسیم فهیم کرزی حکومتی دوریده مارشالیک رتبهسیگه ییتگن، او احمد شاه مسعود اولیمیدن کیین شهرت تاپگن ایدی.
