نمایندهلر مجلسینینگ بیر قنچه اعضالری تیزیم ایچکریسی و تشقریسیده طالبلرنی حمایت قیله دیگنلر محاکمه بولیشینی ایتگنلر. اولرنینگ ایتیشلریچه، طالبلر افغانستان خلقی نینگ دوستی بولگن حالده، « امنیتی کوچلرنی ناحق اولدیرمس لیگی کیرهک» بو قبیل سوزلر افغانستان سابق جمهور رییسی حامد کرزی نینگ اخیرگی اظهاراتلریدن کیلیب چققن.
بوگون مجلسنینگ عمومی ییغینیده سوزلهگن نمایندهلر، تیزیم ایچکریسی و تشقریسیده بعضی معین تیورهکلر طالبلرنی حمایت قیله دیگنلر.
حامدکرزی اظهاراتلرینی تنقید آستیگه آلگن غلام حسین ناصری نینگ سوزلریگه کوره، بوگون قندوز اوروش اوتیده یانهدی. « بو ولایتده اوروش جریانیده ویران بولگن اوی – جایلر هیچ بیری کرزی و اورین باسریگه قرهشلی ایمس»
طالبلرنی تعبیر قیلگن مملکت سابق جمهور رییس حامد کرزینی جدی انتقاد قیلگن جناب ناصریگه کوره: « کرزی قیسی منطق بیلن افغانستان خلقی قاتللرینی ایناغه خطاب قیلهدی؟»
نمایندهلر مجلسینینگ باشقه بیر اعضاسی شکیبا هاشمی، بیر قنچه کیشی لر یوزلهمکی شکلده ملی کوچلرنی حمایت قیله دیلر لیکن، ایچیکریده دشمن دن آرقهداشلیک قیلهدی دیگن. خانیم هاشمی نینگ ایتیشیچه، افغاسنتان جزا قانونی نینگ 182 مادهسیگه موافق اوشبو شخصلر دارگه تارتیلیشی لازم.
سابق جمهور رییس کرزی نینگ طالبلر توغریسیده قیلگن اظهاراتیگه اشاره قیلگن پارلمان نینگ باشقه بیر اعضاسی سیدعلی کاظمی، قوراللی طالبلر بیلن ایلگری آلیب باریله دیگن اوروش مسالهسی معلوم ایتلیشی لازم دیگن. او، افغانستان ملی کوچلری یانیده توریب طالبلرگه قرشی اوروش قیلیش لازم یا -ده سابق جمهور رییس کرزی نینگ اظهارتیگه کوره بیر نیچه ولایتنی جنگریلرگه بیریش بیلن ارووش مسالهسیگه پایان بیریلیشی شرط دیگن.
اخبارات واسطهلری بیلن صحبت اوتکزگن افغاسنتان سابق جمهور رییسی حامد کرزی، جمهور رییس اولهراق خذمت قیلگن – ده و هلی هم خلق ارا کوچلری تامانیدن هوا دن عملیات اوتکزیلشیگه مخالف ایکن لیگینی بیلدیرگن. اونگه کوره، نیچه ولایت عصیانچی طالبلر قولیگه اوتگن حالده، هم جنگریلرگه قرشی هوا دن عملیات اوتکزیلمس لیگی ضرور.
بو قبیل سوزلر قوراللی طالبلر اوتگن ییل مملکت نینگ قندوز ولایتی شامل قطار استراتیژیک منطقهلرینی تصروف قیلگن بیر چاغده ایتیلماقده.
جنگری طالبلر اوروش آقیمیده سونگی نیچه ییل جریانیده مملکت نینگ جنوبی ولایتلریدن شمالگه آلیب اوتیشگه موفق بولدی.
افغاسنتانده اون تورت ییل حکومت قیلگن حامد کرزی حاکمیتینینگ اخیرگی ییللریده طالبلر کوپراق کوچلهنیب و مملکت خوفسیزلیک وضعیتی سابقهسیز روشده بوزیلدی.
