شنبه کونی چین اولکهسی نینگ افغانستاندهگی ایلچیسی، اولکه تشقی ایشلر وزیرلیگی نینگ سیاسی اورین باسری حکمتخلیل کرزی بیلن اوتکزگن اوچره شووده بومطلب گه تأکید قیلگن.
افغانستاندهگی چین اولکهسی نینگ ایلچیسی دینگ زیجون گه کوره، اولکهسی افغانستانده ایریم سیاسی، اقتصادی و فرهنگی بولیملرده یاردملیک قیلگن و بو اولکهده تینچلیک کیلتیریش اوچون هم تلاش قیلهدی.
شونینگدیک جناب زیجون کوپهیتیریشیچه، حاضرگی شرایطده افغانستان و منطقه اوچون تینچلیک و امنیت تامین ایتیش ایشلری اوته ضرور مساله لردن.
دیمک؛ چین اولکهسی نینگ ایلچیسی، اولکهسی سیاسی، اقتصادی اولتیریشلرنی اوتکزیش و دیپلماتیک فعالیتلر آرقهلی افغانستان امنیتینی تأمین ایتیشی بیلن سوداگرلیک و اقتصادی پروژهلر باشله نیشیگه اونملی و فعال حصه آلیش نیتیده ایکن لیگینی تیلگه آلدی.
تشقی ایشلر وزیرلیگینینگ سیاسی اورین باسری حکمتخلیل کرزی چین اولکهسی نینگ افغانستان بیلن هر زمانده یاردم کورسه تیشی اوچون منتدارلیک بیلدیردی و مذکور اولکهنی تینچلیک تامین ایتیش اوچون هم مهم آدیم کوتریشگه ترغیب لهدی.
مذکور اوچره شووده تشقی ایشلر وزیرلیگی نینگ سیاسی اورین باسری چین جمهوریتی تامانیدن 50 میلیارد دالر لیک ارزشلی بانک ایجاد ایتیلیشی اوچون قدردانلیک بیلدیردی و چین اولکه سینی افغانستان خلقی اوچون دایمی اورتاق و یاردمچی ایکنلیگینی ذکر قیلدی.
شونینگدیک جناب کرزی افغانستان تینچلیک سوزله شیشلری اوچون چین اولکه سیاورنینی مهم بیلیب، مذکور اولکهدن تروریسمنی یوق ایتیش اوچون قیلگن تلاشلریدن منتدارلیک بیلدیردی.
اوشبو ایکی تامانلمه اولتیریشده کیلهسی اوچ تامانلمه امنیتی اولتیریش افغانستان، چین و پاکستان ارا بولیب اوتیش اوچون سوزلشدیلر.
چین دنیا ییریک اقتصادی اولکه لریدن بیری دیر و منطقهده نیک ناملی اولکهلردن بیر سنهلیب کیلماقده.
