نمایندهلر کینگشینینگ 16- تقنینی دوری، بوگون 8 ییلدن سونگ، یکونلندی. بیراق، نمایندهلر کینگشی اعضالریدن بیرقطاری، بو دورده بولیب اوتگن ایشلردن رضایت بیلدیرمهیدیلر.
اولرنینگ ایتیشیچه، 8 ییل جریانیده ملت اوچون اساسی بیر ایش قیلمهگنلر؛ فاسدلردن حمایت قیلیب و ملت حقیگه خیانت قیلگنلر.
نمایندهلر کینگشیده غزنی اهالیسینی نمایندهسی محمدعلی اخلاقینینگ ایتیشیچه، اوشبو دور اعضالری ملتنینگ ایستکلرینی عملگه آشیرهآلمهگنلرینی تَن آلیشلری کیرهک.
شونینگدیک، نمایندهلر کینگشیده بدخشان اهالیسینی نمایندهسی امانالله پیمان، اوشبو دور اعضالریدن بیرقطارینینگ «کیچیک» مسئلهلر اوستیگه معامله گرلیک و وجدان ساتیشگه عیبلهگن.
باشقه بیر تاماندن، نمایندهلر کینگشیده کابل اهالیسینی نمایندهسی رمضان بشردوست، 16- دور اعضالریدن قتیق تنقید قیلیب ایتیشیچه، 8 ییل جریانیده، نمایندهلر ملت اوچون هیچ بیر ایش قیلمهگنلر.
اونینگ ایتیشیچه، نمایندهلر کینگشینینگ اعضالری، ملت اویینی ویران قیلگن؛ بیراق اوزلریگه قصر توزهتگنلر.
نمایندهلر کینگشی اعضالرینینگ ایتیشیچه، اوتگن 8 ییل جریانیده، 80 دن آرتیق نماینده دایمی شکلده غایب بولگنلر و بو نمایندهلرنینگ غیابتی کینگشنینگ عمومی ییغینلری، اساسی کیلیشوولری و جدی قرارلرینی جدی قیینچیلیکلرگه روپهره قیلگن.
نمایندهلرنینگ ایتیشیچه، بو دور اعضالری ایش گزارشی اورنی گه اوز کمچیلیکلری و قیینچیلیکلری توغریسیده ملت گه گزارش بیریب و ملتدن عذر سورهشلری کیرهک.
نمایندهلر کینگشینینگ 16- تقنینی دوری، قویاش 1398- ییلده یولگه قوییلگن سیلاو بیلن بیش ییل اوچون باشلندی و نمایندهلر کینگشینینگ ایش دوری ایسه 1393- ییلده یکونلندی و نمایندهلر کینگشینینگ سیلاوی قیتهدن یولگه قوییلمهگنی سبب، جمهور رئیس غنی بیر فرمان صادر قیلیب و بو دورهنی اوزهتدی.
اوشبو فرمانده فنی، خوفسیزلیک، مالی قیینچیلیکلر و شونینگدیک، افغانستان سیلاو تیزیمی گه اصلاحات کیریتیلیشینی نمایندهلر کینگشینینگ سیلاوی یولگه قوییلمهسینی دلیل قیلیب کورستگن.
