نمایندهلر مجلسی اعضاسی عبدالحفیظ منصور نینگ سونگی کونلرده بیلیم یورتلر همده دینی مدرسهلر افراطیتنی رواجلنتیریش مرکزیگه ایلنگن دیگن گپلری جنجالگه ایلندی.
جناب منصور اوتگن هفته مجلسده قیلگن نطق سوزیده بیلیم یورتلردهگی اسلامی ثقافت عملده ترورچی تربیه قیلهدی دیگن ایدی.
ملی کوچلر بو ترورچی گروهلر بیلن اوروش آلیب باریش اورنیده «ترورچیلیک مفکورهسینی» ایلدیزدن یوق قیلیشگه اعتبار قرهتیشلری ثمرهلی دیگن.
پارلمان اوشبو اعضاسی نینگ بو قبیل سوزلری مملکت اهالیسی همده دین عالملری نینگ جدی عکس العملیگه سبب بولدی حتی دین عالملری نینگ بیر قنچهسی اونی تکفیر قیلیشگنلر.
نهایتده جناب منصور بوگون خبری بیر ییغین اوتکزیب صحبتلرینی تکمیل ایتدی. او، اخرگی وقتلرده افغانستانده ینگی بیر مفکورده وجودگه کیلگن لیگی و بو مفکوره نینگ شیرهسی ایسه: « بیز بیلن بولسنگیز مسلمان بولمهسنگیز کافر» دینگن خلاصه بیلن تمام بولهدی دیگن.
مجلس نینگ بو اعضاسی اوزینی تکفر قیلگنلرگه خطاب قیلیب ایتیشیچه، یخشی مسلمان کفر حکمینی تیلگه آلمسدن زمانسیز و اورینسیز کیشینی فاسققه بویورمیدی.
او، افراطیتنی حمایت قیله دیگنلر مملکت نینگ هر بیر چیکه حدودیده اوزلریگه اویه قورگنلر و دولت امکانیتلریدن فایده لهنیب یاشلرنی افراطیتگه ترغیب قیلیشگه اولگوره دیلر دیگن.
منصورنینگ ایتیشیچه، اسلامی موضوعلر اوستیدهگی قرمه – قرشیلیکلر معما توغدیره دیگن بیر پدیده، کوپینچه بو قبیل قرمه قرشیلیکلر سوکیش و یمان ایتیش بیلن اداغیگه ییتیب اسلامگه دعوت قیلیش نینگ اصل اوصولی آیاق آستی بولهدی .
او، افراطیتنی آلدینی آلیش اوچون هر کیمدن کوره دین عالملری نینگ مسوولیتی کوپراق دیگن. بوندهی عمللر جدی اعتبارگه آلینمهگن حالده، اسلام مدنیتی نابودلیککه روپه بولیب «دشمنلرگه خوشحاللیک زمینهسی» یرهتیلهدی دیگن.
عین حالده، حج و اوقاف وزیرلیگی نینگ اداری اورین باسری داعیالحق عابد، حاضرگی وضعیتده بوندهی بحثلر مملکت فایدهسیگه تمام بولمیدی دیگن. جناب عابدگه کوره، افغانستان نینگ حاضر وضعیتی مناسبت ایمس و بو قبیل صحبتلر بیلن عاموی فکرنی چلغیتمسلیک کیرهک.
عین حالده، افغانستان استراتژیک مطالعات مرکزی اوزی نینگ سونگی نشر قیلگن گزارشیده رسمی بولمهگن دینی مدرسهلرده افراطیت اوج آلگنلیگی توغریسیده خواطر بیلدیرگن ایدی.
