افغانستان ملی بیرلیک حکومت اجراییه باشلیغی عبدالله عبدالله، ناتو تشکیلاتی باشلیغلرینینگ ییغینی گه اشتراک قیلیش اوچون بلژیک باشکینتی بروکسل گه سفر قیلگن و او ییرده سلاموطندارنینگ خبرچیسی تامانیدن جنرال دوستمنینگ توغریسیده بیان ایتیلگن سوراققه جواب اونینگ ایتیشیچه، « جمهورلیک ریاستینینگ بیرینچی اورین باسرینی قیتیشی گه قرشی ایمس من.»
جناب عبدالله گه کوره، جناب دوستم مملکت گه قیتیشی توغریسیده، حقوقی و یا-ده قانونی بیر توسیق بولگن صورتده، بو توغریده اهالی گه معلومات بیریلیشی لازم.
اجراییه باشلیغینینگ کوپهیتیریشیچه، اونینگ شخصی فکری گه کوره، «سیاسی شخصیتلر» مملکت گه سفر قیلیشی اوچون رخصت بیریلیشی لازم.
حکومت تامانیدن هیچ بیر رسمی منبع، جمهورلیک ریاستینینگ بیرینچی اورین باسری سورگون ایتیلگنینی تصدیق قیلمهیدی. میدیالرده ترقهتیلگن گزارشلرگه کوره، جمهورلیک ریاستینینگ ایکینچی اورین باسری سرور دانش ترکیه گه قیلگن سفریده جنرال دوستم بیلن مملکت گه قیتیشی توغریسیده کیلیشگن و او، کیلهجک هفته مملکت گه قیتیشی توغریسیده قرار قیلینگن.
اوشبو بیاناتلر جمهور رئیس بیرینچی اورین باسری جنرال دوستم گه تیگیشلی حربی قومندانلردن بیری نظامالدین قیصاری دولت کوچلری تامانیدن توتقونگه آلینگنیدن سونگ، مملکت شمالی ولایتلریده مینگلرچه کیشی 10 کوندن بویان ناراضیلیک نمایشلرگه قول اوریب نظامالدین قیصاری قوییب یوباریلیشی و جنرال دوستم مملکت گه قیتیشینی طلب قیلگن بیرچاغده بیان ایتیلگن.
بوندن آلدین، افغانستان اسلامی جمعیت حزبینینگ اجراییه باشلیغی عطامحمد نور، اجراییه ریاستینینگ ایکینچی اورین باسری محمد محقق، افغانستان ملی اسلامی جنبش حزبینینگ رهبری جنرال عبدالرشید دوستم و قطار سیاسی شخصیتلر تامانیدن تشکیل ایتیلگن «افغانستان اوچون قوتقریش ائتلاف» نینگ اعلان قیلیشیچه، بو ائتلاف جنرال دوستم نینگ مملکت گه آلیب کیلیشی ممکن.
جنرال دوستم و قوروقچیلری تامانیدن سیاسی مخالفی احمد ایشچی گه قرشی زورهوانلیک قیلینگن ادعالریدن سونگ، بیر ییل آلدین جمهورلیک ریاستینینگ بیرینچی اورین باسری ترکیه کیتدی و حاضرگچه مملکت گه قیتمهگن.
