جمهورلیک ریاستی نینگ بیرینچی اورینباسری امرالله صالح اوتگن یکشنبه کونی ایچکی خصوصی رسانهلردن بیری بیلن صحبت اوتکزیب ایتیشیچه، دیورند چیزیغی نی هیچ قچان پاکستان گه مفت بیرمهیدی، چونکه دیورند افغانستان نینگ بیر بولیمی دیر و اوتمیشلرده مملکت نینگ قیشلی پایتختی ایکن.
جناب صالح بو سوزلشوودن کیین بیر توییت آرقهلی: «ملی اورنی بولگن هیچ بیر سیاستچی دیورند چیزیغی دن خبرسیز قالمهیدی. بو ایش اونینگ حیاتی و حیاتی دن کیین هم قارهلشی ممکن. بو بحث قیلینهدیگن بیر موضوع دیر. بیزلردن مفت آلیش غیر واقعی کوتیب توریش دیر. اوتمیشلرده پشاور افغانستان نینگ قیشلی پایتختی ایدی.»
جناب صالح تامانیدن توییت نشر ایتیلگنیدن کیین، مرکزی و جنوبی آسیا بوییچه آمریکا تشقی ایشلر وزیرلیگی نینگ سابق اورینباسری مذکور توییت گه جواب بیریب یازیشیچه، جمهورلیک ریاستی بیرینچی اورینباسری نینگ ملی اورنی بولگن بیرحالده هم، دیورند چیزیغی توغریسیده بیرگن بیاناتی ملیگرلیک و نامعقول بیر ادعا دیر کیم تینچلیک توغریسیده بولگن سوزلشوو و ایکی مملکت آرهسیدگی اقتصادی علاقهلرنی کمهیتیرهدی.
افغانستان سیاستچیلریدن بیری آلیس ویلز نینگ بیاناتلرگه عکسالعمل بیلدیریب ایتیشیچه، پاکستان شو موضوع اوچون آمریکا گه ترورچیلیک تعلیمات بیرهدیگن مرکز آچگن ایدی. اونینگ کوپهیتیریشیچه، پاکستان منطقهدهگی آمریکا نینگ فایدهلرینی تأمین قیلهدی و آمریکا بو ایش برابریده پاکستان گه دیورند چیزیغی نی بیرگن و شونینگدیک دیورند نینگ تیکانلی سیملری نی خرهجتی نی آمریکا بیرگن.
اجتماعی ترماقلر فعاللریدن بیری خالد سمیر نینگ ایتیشیچه، دیورند افغانستان موضوعی دیر و باشقه هیچکیمنی دخالت قیلیش اوچون حقی یوق. جناب سمیرگه کوره، افغانستان هیچبیر یشاوچیسی دیورندنی رسمی چیگره عنوانیگه قبول قیلمهیدی و آمریکا بوندهی بیاناتلری بیلن افغانستانی ایکی پارچه قیلیشنی ایستهیدی.
اجتماعی ترماقلر ایشلاوچیلریدن باشقه بیری سلطان مری نینگ یازیشیچه، دیورند او تامانیده بولگن پشتونلر هیچبیر زمان بو چیزغینی قبول قیلمهیدی، چونکه بو چیزغینی قبول قیلیش حقیقتده بردهلیکنی قبول قیلیش دیر.
شونینگدیک، بیرقطار فعاللرنینگ ایتیشلریچه، دیورند خصوصیده کیشیلرنینگ شخصی فکری هیچبیر نرسهنی اوزگرتیرمهیدی. دیورند نیچه ییل آلدین خلق ارا قانونلری اساسیگه رسمی چیگره عنوانیده قبول قیلینگن و بو بیر واقعیت دیر.
127 ییل آلدین عبدالرحمان خان نینگ دوریده دیورند چیزغیسی عبدالرحمان خان و انگلیس آرهسیده امضا ایتیلگن معاهده اساسیگه افغانستان و هند بریتانیایی آرهسیده رسمی چیگره صفتیده تعیینلنگن.
