بوگون "پنجشنبه" مملکت سابق جمهور باشلیغی حامد کرزی نینگ کابلده تینچلیک و خوفسیزلیک خصوصیده یولگه قوییلگن ییغینده ایتیشیچه، تینچلیک لایحهسی نینگ برچه تامانی دقت بیلن تیکشیریلیشی کیرهک.
جناب کرزی نینگ کوپهیتیریشیچه، افغانستان یشاوچیلری تینچلیک لایحهسیدن سونگ، ثباتسیزلیکنی ایستمهیدی.
مذکور ییغینده مملکت ملی بیرلیک حکومتی نینگ اجرایی باشلیغی عبدالله عبدالله نینگ ایتیشیچه، چیتایللیک کوچلر چیقگنیدن سونگ، طالبان گروهی افغانستانده زور بیلن غلبه قیلیش فکریگه بولمهسین.
جناب عبداللهگه کوره، بو گروه سیاسی سعی و حرکت آرقهلی برنامهلرینی عملگه آشیرسین.
عینحالده، کابلده بیرقطار مدنی نهادلر سیلاو نینگ اولویتگه قرار تاپیشی اوستیگه تاکید قیلهدیلر. «مجما» مدنی نهاد باشلیغی عزیزالرحمن رفیعی نینگ ایتیشیچه، سیلاو یولگه قوییلمهگن صورتده، افغانستانده ینگی بیر بحرانگه مشروعیت بیریلهدی.
جاری ییل 6 میزانده جمهورلیک ریاستی سیلاوی یولگه قوییلیشی خصوصیده تیارگرلیک آلینهدیگن بیرچاغده، آمریکا و طالبان نمایندهلری آرهسیده بولگن تینچلیک سوزلشوولر هم دوام تاپماقده.
ایتیلیشیچه، آمریکا و طالبان نمایندهلری بیللی موضوعلر خصوصیده کیلیشگن و کیلهجک هفتهلرده افغانستانلیکلر ارا سوزلشوولرنینگ یولگه قوییلیشی ممکن.
