اشرف غنی و عبدالله عبدالله آرهسیدهگی جنجللرنی ییچیش اوچون تعیینلنگن وقتدن بیش کون اوتیشی بیلن سپیدار گه یقیین منبعلرنینگ سلاموطندارگه ایتیشیچه، ایکی تامان نینگ سوزلشوولری نتیجهسیز یکونلنگن. منبع گه کوره، بحران نی حل قیلیش اوچون ارگ تامانیدن بیریلگن تکلیف، عبدالله عبدالله نینگ مذاکرهچیلری تامانیدن رد بولگن.
منبع نینگ ایتیشیچه، جناب عبدالله نینگ مذاکرهچیلری جمهورلیک ریاست سیلاو نتیجهسی بیکار اعلام قیلینیشی، تیزیم صدارتی گه اوزگریشی و اساسی قانون اوزگریشی اوستیگه اورغولهگن و بو ایستهکلر قبول قیلینمهگن صورتده، جنجللر حل بولمهیدی.
منبع نینگ کوپهیتیریشیچه، اولرنینگ ایستهکلری قبول قیلینمهگن صورتده، همهشمول حکومتی نینگ جمهوررییسی کابینهسینی تانیشتیریشی ممکن.
بیراق جمهورلیک ریاستی سوزلاوچیسی اورینباسری دواخان مینهپال نینگ ایتیشیچه، موجود قیینچیلیکلرنی حل قیلیش اوچون سوزلشوولرنی دوامی بار.
او، سلاموطندار بیلن صحبت اوتکزیب اورغولشیچه، هر قندهی ایستهک مملکت اساسی قانونی گه ماس بولیشی کیرهک و تیزیم اوزگریشی ارگ نینگ صلاحیتیدن ایمس دیر.
مملکت جمهوررئیسی سیلاوی بحران حل ایتیلیشی و جناب عبدالله نینگ تیمی بیلن سوزلش اوچون قطار سیاسی سیمالرنینگ ایستهگی اساسیده، کابینهسی نینگ تانیشتیریشی نی بیش کون آرتده قالدیردی.
مملکت سابق جمهور رئیسی حامد کرزی، عبدالربرسول سیاف، محمدیونس قانونی و محمدکریم خلیلی بیر اعلامیه ترقهتیب، ایکی تاماندن کابینهسی نینگ تانیشتیریشی نی توختهتیب و سوزلشوو اوچون وقت نی تمدید قیلیشلرینی سورهدی.
سیاستچیلرنینگ اعلامیهسی ترقهتیلگنیدن کیین، جمهورلیک ریاستی نینگ استراتژیک و عامه علاقهلر ادارهسی باشلیغی وحید عمر بیر توییت آرقهلی یازیشیچه، جناب غنی سیاسی رهبرلرنینگ ایستهگی اساسیده، کابینهسی نینگ تانیشتیریشی نی بیش کونگچه توختتدی.
