ناتو تشکیلاتینینگ باش کاتبی ینس استولتنبرگ، افغانستانلیک طالبلرنینگ برابریده افغانستان حکومتینینگ بیر تامانلمه اوربندی دن حمایت قیلدی.
ناتو تشکیلاتی گه اعضاء مملکتلرنینگ مدافعه وزیرلرینی ییغینی باشلهنیشیدن آلدین، ایکینچی خبری ییغینیده جناب استولتنبرگ نینگ ایتیشیچه، افغانستاننینگ امنیتی وضعیتی خواطرلی دیر، بیراق بو تشکیلات افغانستان امنیتی کوچلریدن حمایت قیلیشی گه دوام بیرهدی.
شونینگدیک، ناتو باش کاتبی طالبلردن افغانستان حکومتینینگ برابریده اوربند اعلان قیلیشینی سورهدی. او، طالبان گروهیدن ایستکلریگه قول تاپیش اوچون سیاسی یوللردن فایدهلنیشلرینی طلب قیلدی.
بوگون «پنجشنبه» افغانستان جمهور رئیسی محمداشرف غنی، روزه آیینینگ 27- کونیدن باشلب روزه بیرم هییتینینگ 5- کونیگچه طالبلرنینگ برابریده اوربند اعلان قیلدی.
جمهور رئیس غنی، امنیتی کوچلردن شونچه مدتده افغانستانلیک طالبلرنینگ برابریدهگی عملیاتلرینی توختهتیشینی سورهدی؛ بیراق داعش، القاعده ترماغی و باشقه تروریستی گروهلرنینگ برابریده عملیات دوام ایتیشینی بیلدیرگن.
