طالبان گروهی گه یقین منبعلرنینگ ایتیشیچه، اوشبو ییغین لایحهسی ایکی کون اوچون تیارلنگن ایکن؛ بیراق افغانستاندن چیتایللیک کوچلر چیقیشی خصوصیده، آمریکا قوشمه ایالتلرینینگ موضوعی اوزگرگنی باعث، بو ییغین دستلبکی بیر کیلیشووگه ییتیشگونگهقدر دوام ایتیشی ممکن.
طالبان گروهی بیر خبرنامه ترقهتیب ییغین دوام ایتیشینی تصدیقلگن.
سلاموطندارگه صحبت بیرگن طالبان گروهینینگ سابق رسمیلریدن بیری و سیاسی ایش بیلرمان وحید مژدهنینگ ایتیشیچه، اوشبو سوزلشوولرده افغانستاندن آمریکا کوچلرینینگ چقیشی بحثگه آلینگن و شونینگدیک، آمریکا بو توغریده تیارگرلیک کورستگن.
اونگه کوره، افغانستاندن چیتایللیک کوچلر چیقیشی گه علاوه، افغانستان توپراغیدن باشقه مملکتلرنینگ برابریده فایدهلنمس موضوعی بحث گه آلینگن.
مژده نینگ ایتیشیچه، طالبان گروهینینگ هیأتی 8 کیشی دیر و بو هیأت گه باشقه 3 کیشی افغانستان ایچیدن قوشیلیشی گه قیلینگن ایدی؛ بیراق پاکستاننینگ قرشیلیگی باعث، بو ایش بولمهگن.
وحید مژدهنینگ کوپهیتیریشیچه، ایکی تامان کیلیشووی اساسیده، سوزلشوولر نتیجهسی ایجابی بیر نتیجه گه ایریشگونگهقدر آچیقلنمهیدی.
اونگه کوره، سوزلشوو تامانلری آرهسیده دستلبکی بیر نتیجه گه ایریشیلگنیدن سونگ، آتیشکیسین مسئلهسی و افغانستاندن آمریکا کوچلرینینگ چیقیش زمان جدولی بحثگه آلینیشی باشلنهدی.
شونینگدیک، طالبان گروهینینگ سابق رسمیلریدن باشقه بیری اکبرآغانینگ ایشانچی گه کوره، دوحه ییغینیده بحث گه آلینگن اساسی موضوعلر افغانستاندن آمریکا کوچلری چیقیشی و افغانستان توپراغیدن باشقه مملکتلرنینگ برابریده فایدهلنمهسی دیر.
شو توغریده…
طالبلر ارا تینچلیک سوزلشوولری؛ آمریکا حربی قرارگاهلرینی سقلش خصوصیده سعی و حرکت قیلهدی
افغانستان یشاوچیلریدن یریمی تینچلیک سوزلشوولریدن راضی ایمس دیر
طالبان گروهینینگ اوشبو سابق رسمیسینینگ ایتیشیچه، ایکی تامان سوزلشوولری آرهسیده دستلبکی بیر نتیجه گه ایریشیش احتمالی آشگن و بوگونکی ییغینده بیر نتیجه گه ایریشیلمهگن صورتده، ایرته گه دوام ایتیشی ممکن.
عین حالده، تینچلیک عالی کینگشی سوزلاوچیسینی اورین باسری اسدالله زایرینینگ ایتیشیچه، دوحه ییغینیده بحث گه آلینگن موضوعلردن باشقه بیری، افغانستان حکومتی بیلن طالبان گروهی مذاکره میزی اوستیگه حاضر بولیشلری خصوصیده، آمریکانینگ سعی و حرکتی دیر.
اونگه کوره، افغانستان حکومتی نیچه مرته تینچلیک سوزلشوولری شرط سیز باشلهنیشینی ایستهگن و سوزلشوولر جریانیده آتیشکیسین و باشقه مسئلهلر بحث گه آلینهدی.
آمریکا نمایندهلری حاضرگهقدر قطرنینگ ایکی کونلیک ییغینیده توغریسیده فکر بیلدیرمهگنلر.
افغانستان تینچلیگی اوچون آمریکانینگ خاص نمایندهسی زلمی خلیلزادنینگ نیچه وقت آلدین ایتیشیچه، طالبان گروهی تینچلیک سوزلشوولریدن باش تارتگن صورتده، آمریکا بو گروه گه قرشی اوروش گه دوام بیرهدی.
