جمهورلیک ریاست سیلاو کمپاینلری رسمی شکلده باشلهنیشیدن آلدین، «تینچلیک و برابرلیک» سیلاو تیمی نینگ رهبری محمدحنیف اتمر، مملکت تلویزیونلریدن بیریده خاص صحبت اوتکزگنیدن سونگ، مذکور تیم نینگ اساسچیلری آرهسیده قرهمه قرشیلیکلر باشلندی. تینچلیک و برابرلیک سیلاو تیمی دن بیر منبع نینگ ایتیشیچه، سیلاو کمپاینلری باشلنگن بیرچاغده، اتمر جنابلری نینگ تیمی تامانیدن ریاستی توزوم سقلهنیشی اوستیگه تأکیدلنگن متن بیلن ریکلام ملزمهلری شهر بوییچه ترقهتیلدی و بو متن قرهمه قرشیلیکلرنی قیزیقتیریب و مذکور تیم نینگ ترقاقلش عرهفهسیده قرار بیردی.
عطامحمد نور، یونس قانونی و اسلامی جمعیت حزبی نینگ اعضالریدن بیر گروهی، یریم ریاستی توزوم بیلن حکومت تشکیل ایتیشلری خصوصیده محمدحنیف اتمر بیلن کیلیشگنلر، بیراق عطامحمد نورنینگ ایشانچی گه کوره، اتمر بیرگن سوزینی اونوتگن. صدارتی یا-ده یریم ریاستی توزوم تشکیل ایتیلیشی خصوصیده بولگن کیلیشوو باشلهنیشدن محمدحنیف اتمر اوچون توانلی ایدی و بو قرار نتیجهسیده جناب اتمردن اجرهلگن کیشی تواب غورزنگ ایدی.
سیلاو کمپاینلری رسمی شکلده باشلنگنیدن 9 کون اوتماقده، لیکن تینچلیک و برابرلیک سیلاو تیمی نینگ قرهمه قرشیلیکلری حل بولمهگن. سلاموطندارگه صحبت بیرگن منبع گه کوره، موجود قیینچیلیک حل ایتیلیشی خصوصیده، جدی مذاکرهلر اوتکزیلگن، لیکن حاضرگهقدر هیچ نتیجه بیرمهگن و تینچلیک و برابرلیک سیلاو تیمی نینگ اساسچیلریدن محمد محقق، حنیف اتمر، شاکر کارگر، عطامحمد نور و محمدیونس قانونی نینگ سونگی ییغینی نتیجهسیز یکونلنگن.
ییچیم یول نیمه دیر؟
تینچلیک و برابرلیک سیلاو تیمی نینگ رهبری محمدحنیف اتمر و اسلامی جمعیت حزبی دن بولگن گروه آرهسیده بولگن کیلیشوو اساسیده، جناب اتمرنینگ ریاستی گه بولهدیگن احتمالی حکومت ده عطامحمد نور حکومت نینگ باش وزیری صفتیده تخمین ایتیلگن و بو کیلیشوو عملگه آشیریلگن صورتده، حاضرگی ریاستی توزوم، صدارتی توزوم گه اوزگریشی ممکن.
بیراق، منبع نینگ ایتیشیچه، تینچلیک و برابرلیک سیلاو تیمی دن بولگن بیر گروه نینگ توشونچهسیگه کوره، صدارتی توزوم ریکلام قیلینگنده پشتون آواز بیرووچیلرنی اینجیتهدی و ریکلام برنامهلریده صدارتی توزوم تیزلیککه اعلان ایتیلیشی دن باش تارتیب و عکسینچه تینچلیک و برابرلیک سیلاو تیمی نینگ شعاریده ریاستی توزوم سقلهنیشی اوستیگه تأکیدلنگن. اولر، صدارتی توزوم گه طرفدار بولگنلردن بو موضوع گه نقطه قوییب و کوپینچه آواز قولگه کیریتیش اوچون بونی تکتیک صفتیده قبول قیلیشلرینی طلب قیلگن.
محمدحنیف اتمر باشلیغی بولگن گروه گه کوره، بوندهی بیر حرکت شرطنامهنی نقض قیلیش معناسی گه ایمس دیر. بیراق، عطامحمد نورنینگ رهبرلیگی ده بولگن باشقه بیر گروه، بوندهی بیر حرکت شرطنامه گه قرشی دیب و احتیاطی آدیملر آرقهسیدن چیققن.
سلاموطندارگه صحبت بیرگن منبع نینگ ایتیشیچه، تینچلیک و برابرلیک سیلاو تیمی تامانیدن صدارتی توزوم تیزلیککه اعلان قیلینیشی و جناب نور احتمالی حکومت نینگ باش وزیری صفتیده ریکلام قیلینیشی و جناب نور بیلن محمدیونس قانونی نینگ احتیاطی حرکتلریدن دییدی.
بیراق، حضرت عمر زاخیلوال، جاوید لودین، آصف رحیمی و جیلانی پول شامل جناب اتمرگه یقین گروه، بو ایستککه قرشیلیک کورسهتیب و اتمر دن عطامحمد نورنینگ بو ایستهگی گه تَن بیرمهسینی طلب قیلگن.
تینچلیک و برابرلیک سیلاو تیمی نینگ آرهسیده بولگن قرهمه قرشیلیک بیر قنچه میانجیگرلرنینگ آیاغینی بو کاروان گه تارتدی و سونگی پیت تیم اعضالری عرضی نی حامد کرزی گه ییتکیزگن. بیراق، ایکی گروه موضوعلری اوستیگه تأکید قیلگنلری باعث، بو قیینچیلیکدن چیقیش خصوصیده ییچیم یول تاپیلمهگن.
تینچلیک و برابرلیک سیلاو تیمی نینگ عاقبتی
ینگیلیکده سلیمان کاکر اوشبو گروهدن اَیریلگن، بیراق تینچلیک و برابرلیک سیلاوی تیمی سوزلاوچیسی قادرشاه، اولرنینگ تیمی بو سیناودن غالب چیقیشی اوستیگه اورغولب و تیمی آرهسیدگی قرمهقرشیلیکلرنی فرقلی فکرلر دیب بیلهدی.
بیراق تینچلیک و برابرلیک سیلاوی تیمیدهگی منبعلرنینگ ایتیشیچه، قرمهقرشیلیکلر دوام تاپیب و بیللی بیر نتیجه گه اِیرشمهگن صورتده، تیمیدهگی قطار کیشیلر باشقه تیملرگه قتنشیشی ممکن. منبعلرنینگ ایتیشیچه، رقیب تیملر هر بیریسی تینچلیک و برابرلیک تیمیده جنجل کوپهیشی اوچون حرکت قیلهدی و مذکور تیم اعضالریگه سیاسی پاره تکلیفی نی بیرهدیلر.
گرچند تینچلیک و برابرلیک تیمی اعضالریدن قطاری نینگ سلاموطندارگه ایتیشیچه، عطامحمد نور و محمدیونس قانونی مذکور تیمدن اَیریلگن صورتده ینهده تیم اورنیده قالهدی، بیراق عطامحمد نورگه یقین منبعلردن بیری نینگ ایتیشیچه، مذکور تیم قوللب و هرکیم اوز یولیگه کیتیشی ممکن.
یونس قانونی و عطامحمد نور، احمدولی مسعود و عبدالله عبدالله بیلن مذاکره اوتکزماقده و تینچلیک و برابرلیک تیمی تجزیه بولگن صورتده، مذکور کیشیلردن بیری نینگ تیمی گه قتنهشیب یا-ده عبدالله و مسعود تیمی اعضالری نینگ اشتراکی بیلن ینگی تیمده عطامحمد نور و محمدیونس قانونی نینگ حضوری اوچون زمینه یرهتیلهدی.
شوندی بیر حالده، تینچلیک و برابرلیک تیمی نینگ کلیدی اعضالری مذکور قیینچلیک حل بولیشی اوچون حرکت قیلهدیلر. بیراق حنیف اتمر عطامحمد نورنینگ ایستکلریگه تن بیرگن صورتده، اونینگ قطار یقین اورتاقلری اوزاقلشیشی ممکن و مذکور کیشیلر کیلیشمهگن حالده، اوشبو تیم اعضالری تینچلیک و برابرلیک تیمیدن چیقهدیلر و حاضر اوچینچی یول موجود بولمهگن.
