بوگون (چهارشنبه) نمایندهلر مجلسی نینگ اعضالری، جمهور رییس نینگ بیرینچی اورین باسری جنرال دوستم نینگ سونگی اظهاراتلری تیکشیریلیشی اوچون مخصوص کمیسیون ایجاد ایتیلیشینی بارهسیده تاکید ایتگنلر.
جناب دوستم سونگی اظهارتلریده جمهور رییسغنی و اجراییه ریاستی باشلیغی عبداللهعبدالله نی قوم پرستلیک همده تعصبگه عیبلهدی.
نمایندهلر مجلسی نینگ اعضاسی رقیه نایل، مملکت اساسی قانونی نینگ 89- مادهسیگه موافق جنرال دوستم نینگ اخیرگی تیلگه آلگن موضوعلری یاروتیلیشی اوچون مخصوص کمیسیون تشکیل بولیشی بارهسیده تاکید قیلگن.
شونینگدیک مجلس نینگ ینه بیر اعضاسی کمالناصر اصولی، مملکت دشمنلری تیزیمنی سقوط بیریش اوچون حرکت قیله دیلر و حکومت رهبریلر ینه اورین باسرلری اورته سیدهگی ضدیتلر افغانستان دولت قوراللی مخالفلری ینه قوشنی مملکتلرگه سوءاستفاده قیلیش اوچون یخشی زمینه یرهتیب بیرهدی دیدی.
اخیرگی وقتلرده ملی بیرلیک حکومتی رهبرلری اورته سیده پیدا بولگن قرمه قرشیلیکلر اهالی ایچیده کته تشویش توغدیرگن. نمایندهلر حکومت ایچیدهگی کیلیشماوچیلیکلر نتیجهسیده مملکت نینگ بعضی حدودلری جنگری طالبلر اشغالیگه اوتیشی اوچون شرایط یرهتگنی حقیده علیحده تاکید ایتگنلر.
