افغانستان انسانده انسان حق و حقوقلری بیلن مشغول تشکیلات مملکتده یوز بیرهدگن بعضی بیر فاجعهلر خصوصیده سکوت سقلهگن لیگیگه گواه سیز البته. اینگ سونگی واقعه شاهین 209- قول اردو فاجعهسیگه اشاره قیلیش اورینلی. حادثه نینگ آغیرلیگی حتی امریکا قوشمه ایالتلری مدافعه وزیری آیاغینی کابلگه تارتدی.
لیکن، بوندهی ییریک واقعه بارهسیده انسان حق وحقوقلری بوییچه تشکیلات اصلا تیل تیبرهتمهدی.
نمایندهلر مجلسی نینگ باشلیغی همده قطار سیاسی تحلیلچیلر بلخده یوز بیرگن قانلی واقعه توغریسیده انسان حق و حقوقی مستقل کمیسیونی نینگ سوکت سقلهشی بارهسیده خواطر بیلدیرگنلر. « سیما سمرنینگ سکوت سقلهشی مصلحتی و سیاسی تامانی» بار دیگن تحلیلچیلر.
سیاستی تحلیلچی عبدالکبیر رنجبر، افغانستان انسان حق وحقوقلری مستقل کمیسیونی نینگ سکوت سقلهشی حقوقی بولمهگن لیکدن ایلدیز آلهدی.
باشقه بیر سیاسی تحلیلچی نصرالله اعلم، افغانستانده انسان حق و حقوقلری مستقل کمیسیونی نینگ یاندهشیشی کلیشهیی دیدی. تحلیلچیلر، کمیسیون نینگ بوندهی حادثهلرگه نسبتن جیم توریشی مملکت خلقی نینگ انسان حق و حقوقلریگه نسبتن ایشانچ سیز ایتهدی دیدیلر.
انسان حق و حقوقلری بوییچه کمیسیون نینگ سوزلاووچیسی بلال صدیقی بو خصویده فکر بیلدیریشدن باش تارتدی.
جمعه کون توشدن سونگ بلخده جایلشگن شاهین 209- قول اروده جنگری طالبان هجوم اویوشتیردی. هجوم افغان ملی کوچلری جمعه نمازی عبادتی اوستیده بولگن بیر پیتده عملگه آشیریلدی. شونینگ اوچون هم بو هجوم اوروش جنایتی حسابلنهدی دیگن ساحه نینگ متخصصلری. هجوم عاقبتیده 140 حربی قربان بولیب و 160 عسکر ایسه یرهلندی.
