.jpg)
افغانستان جمهورلیک ریاستینینگ سیلاوی گه نامزد و ملی خوفسیزلیک کینگشینینگ سابق مصلحتچیسی محمدحنیف اتمر، سیاسی شخصیتلردن بیرقطاری بیلن بیرگه مسکو ییغینیده اشتراک قیلهدی.
اونینگ تویتر صحیفهسیده یازیب ایتیشیچه، مسکو ییغینی افغانستانلیکلر ارا تینچلیک سوزلشوولری باشلهنیشی خصوصیده، اونملی آدیم دیر.
مسکو ییغینی کیلهجک ایکی کونده افغانستان مهاجرلرینینگ بیرلشمهسی تامانیدن روسیهده یولگه قوییلهدی.
حنیف اتمرنینگ ایتیشیچه، بو ییغینده اسلامی جمهوریت تیزیمی، اساسی قانون ارزشلری، یوتوقلرگه ایگه بولگن قوریلمهلر و مملکتنینگ بوتون اهالیسیگه تیگیشلی میراثلردن مدافعه قیلهدی.
جناب اتمرنینگ کوپهیتیریشیچه: «حکومتدن تینچلیک لایحهسیگه کیچیک حکومتی دریچهدن قرهمهسینی طلب قیلهمیز و تیزیمدن مدافعه قیلیب و تینچلیک خصوصیده، سعی و حرکت قیلهدیگن بوتون ملت، سیاسی جمعیت و ملی قوریلمهلرگه حرمت قایل بولیشینی ایستهیمیز.»
گزارشلر اساسیده، مسکو ییغینیده اسلامی جمعیت حزبینینگ نمایندهلیگیدن عطامحمد نور و محمداسماعیل خان اشتراک قیلهدیلر و شونینگدیک، وحدت حزبینینگ رهبری محمد محقق، مسکو ییغینیده قتنهشیش اوچون نماینده یوبارهدی.
افغانستان بوییچه روسیه ایلچیخانهسینینگ ایتیشیچه، مسکو ییغینیده هیچ بیر روس مقامی و باشقه مملکتلرنینگ نمایندهلری اشتراک قیلمهیدی.
ایتیلیشیچه، مسکو ییغینیده افغانستان حکومتی چقیریلمهگن و باشقه تاماندن مملکت تشقی ایشلر وزیرلیگینینگ اعلان قیلیشیچه، مذکور ییغینده افغانستان نمایندهلیگیدن کیمسه اشتراک قیلمهیدی و شونینگدیک، بوندهی ییغینلر یولگه قوییلیشی تینچلیک لایحهسیگه یاردم بیرهآلمهیدی.
