شو کیچه-کونلر افغانستانده وقتینچهلیک حکومت ایجاد ایتیلیش موضوعی میدیالر و سیاسی ییغینلرده قیزیق بولگن و اوشبو بحثنی دوامی بوگون نمایندهلر کینگشی گه ییتیشدی.
نمایندهلر کینگشینینگ عمومی ییغینیده نمایندهلردن بیرقطاری، وقتینچهلیک حکومت ایجاد ایتیلیشینی مملکت منفعتی گه ایمس دیب ایتیشیچه، اوشبو ریجه عملگه آشیریلگن صورتده، یشاوچیلرنینگ اُمیدی تیزیمدن اوزیلیب و مملکتده تارتیشوولرگه سبب بولهدی.
اولرگه کوره، وقتینچهلیک حکومت ایجاد ایتیلیشی جایی گه سیلاولر کمیسیونلرینینگ ظرفیتی آشیریلیشی خصوصیده سعی و حرکت قیلینیب و جمهورلیک ریاستی سیلاوی تعیین ایتیلگن زمانیده تنیق شکلده یولگه قوییلیشی کیرهک.
نمایندهلر کینگشی اعضالرینینگ اورغولشیچه، وقتینچهلیک حکومت ایجاد ایتیلیشی مملکتنی قیینچیلیککه دوچ قیلهدی.
اعتراضچی نمایندهلرنینگ ایتیشیچه، وقتینچهلیک حکومت ایجاد ایتیلیشی و طالبلرگه قرشی عملیاتلر کمهیتیریلیشی تینچلیککه زمینه یرهتمهیدی؛ بلکیم تیزیم خصوصیده، یشاوچیلرنینگ ایشانچسیزلیگی گه سبب بولیب و نتیجهده جدی قیینچیلیکلر یوزه گه چیقیشی ممکن.
آسوشیتدپرس خبری آژانسینینگ گزارشی اساسیده، قوراللی طالبلر افغانستان تینچلیگی خصوصیده، آمریکا تشقی ایشلر وزیرلیگینی مصلحتچیسی زلمی خلیلزاد بیلن اوچرهشگنیده، میلادی 2019- ییل، اپریل آییده افغانستان جمهورلیک ریاستی سیلاوی یولگه قوییلیشی گه قرشیلیک بیلدیرگنلر. اوشبو گروه عبدالستار سیرت رهبرلیگیده وقتینچهلیک حکومت تشکیل ایتیلیشینی تکلیف قیلگن.
