جمهور رئیس غنی، تینچلیک نی کیلهجک حکومت صلاحیتلریدن دیب و سیلاو یولگه قوییلیشی اوستیگه تأکید قیلگن.
مملکت جمهور رئیسی محمداشرف غنی، جمهورلیک ریاست سرایی ده قربان هییت نمازینی اوقیگندن سونگ قیلگن نطقی ده ایتیشیچه، ملی بیرلیک حکومت سونگی قانونی باسقیچی نی اوتکزماقده و شو یوزهدن تینچلیک توغریسیده قرار قیله آلمهیدی.
جناب غنی سیلاونی جدی نیاز بیلیب و ایتیشیچه، سیلاو یولگه قوییلیشی اوچون بوتونلهی تیارگرلیک آلینگن و سیلاو یولگه قوییلیشی کیرهک و کیلهجکده صلاحیتلی و تنلنگن بیر حکومت تینچلیک توغریسیده قرار قیلهدی.
جمهور رئیس نینگ ایتیشیچه، «کوچسیز بیر حکومت تینچلیک قیله آلهدیمی؟ سونگی قانونی باسقیچی ده قرار تاپگن حکومت جدی بیر قرار آلیب بیلهدیمی؟ کیسکینلیک بیلن بو ملت ارادهسی یا-ده یوق دییه آلهدیمی؟ تینچلیک صلاحیت و کیسکینلیک ایستهیدی.»
جناب غنی نینگ ایتیشیچه، سوزلشوولر شرطسیز دیر، بیراق تینچلیک شرط دیر و افغانستان اهالیسی ملی تینچلیک ایستهیدی، سمتی، حزبی و قومی ایمس.
جمهور رئیس نینگ آگاهلنتیریشیچه، تینچلیک قاچقینلیک، نخبهلر و سرمایهلر قاچیشی گه سبب بولمهسی کیرهک. اونینگ ایتیشیچه، «افغان قیزلری شلاق اوریلیشی و بالهلر مکتب دن قالیش زمانی اوتگن.»
غنی نینگ کوپهیتیریشیچه، «تینچلیک هر بیر افغان نینگ ایستهگی دیر، بیراق هر بیر افغان نینگ عزتی بولگن تینچلیک ایستهیدی.»
جمهور رئیس غنی سیلاو یولگه قوییلیشی اوستیگه تأکید قیلگن بیرچاغده، آمریکا و طالبان نمایندهلری آرهسیده افغانستان تینچلیگی خصوصیده بولگن سوزلشوولر اساسی باسقیچ گه ییتیشگن.
آمریکا و طالبان نمایندهلری حاضرگهقدر 8 مرته ییغین اوتکزیشگن و ایکی تامان بو سوزلشوولرنی 8- دوری ده تینچلیک کیلیشووی گه ایریشیشی توغریسیده امید بیلدیرهدیلر.
