یقینده امریکه تشقی ایشلر وزیرلیگینینگ ترقتگن حجتیده کیلیشیچه، قوراللی طالبلرنینگ رهبری ملاعمر میلادی 2000- ییلده پاکستاندن قوراللی طالبلر بو مملکت سیاستی نی افغانستانده عملگه آشیریشگه موفق بولمهگن حالده، بو مملکت اوز ایستکلرینی حربی یول بیلن عملگه آشیریشینی سورهگن.
ملاعمرنینگ اوشه زمان جمهور رییس پرویز مشرفگه خطاب قیلیب ایتیشیچه، مذکور گروه پاکستان ایستهگیگه قرشی آدیم کوتارگن حالده، بو مملکت قندهارنی هوادن هجوم آستیگه آلیشگه حقلی. قندهار اوشه زمانده طالبلرنینگ نا رسمی مرکزی حسابلنردی.
مذکور حجتگه کوره، پاکستان جمهور رییسی اوشبو مسالهنی اوشه زمان امریکه تشقی ایشلر وزیرلیگینینگ اورین باسری توماس پیکرینگ بیلن اورتهگه قویگن.
جناب مشرف مذکور ایستکدن سونگ، پاکستانلیک جنراللردن بیری محمودنی بیرار قیینچیلیک یوز بیرگنده طالبلر بیلن مذاکره قیلیش اوچون قندهارگه یوبارگن.
شونینگدیک ملاعمر طالبلر سیاستیده قیینچلیک تاپیلگنی اوچون مذکور جنرالدن عذر سورهب و ینه بیر مرته طالبلرنینگ قیلمیشی پاکستان دولتیگه موافق بولمهگن حالده، اوشبو مملکت حربی باسیم بیلن اوز سیاسیتی نی مذکور گروه اوستیگه قبول قیلدیریشنی ایتگن.
حجتده کیلیشیچه، جناب پیکرینگ پاکستان جمهور رییسی بیلن بولگن ملاقاتیده طالبلر بارهسیده ایتیشیچه: « طالبلر بیلن مذاکره قیلیش نینگ ییریک قیینچیلیگی، اینگ یخشی دوستیمیز اینگ یامان دوستمیزبیلن دشمن». او، اوشبو اوچرهشووده کون ساین اوتیشی بیلن امریکه بیلن پاکستان علاقهسی یامان بولیشی توغریسیده خواطر بیلدیرگن و مشرف ایسه امریکه نینگ مقابلیده ایتیشیچه، پاکستان امریکهنینگ خواطرلرینی یخشی صورتده سیزهدی.
مذکور حجت طالبلر حرکتینینگ رهبری ملا عمر وفاتیدن بیر آی اوتیشی بیلن نشر ایتیلماقده. ملا عمر وفاتی افغانستان و پاکستان علاقهلری ترهنگ لهشیشی اوچون سبب بولدی. انه شو باعث هم طالبلر بیلن اوتکزیله دیگن تینچلیک مذاکرهلری نا معلوم وقتگچه آرتده قالدی.
