افغانستان جمهور رییسی محمداشرف غنینینگ ایتیشیچه، طالبان گروهی قندهار، ننگرهار و کابلده سیاسی دفتر توزهته آلهدی.
جناب غنینینگ ننگرهار ولایتی شینوار تومنیده بیر ییغین آرقهلی ایتیشیچه، تینچلیک کیلهدی و اوروشنی یکونلنتیریش اوچون هرقندی قربانلیک بیریشگه تیار دیر.
اونینگ شینوار تومنی یشاوچیلریگه ایشانچ بیریب ایتیشیچه، اوروشلر جریانیده تخریب ایتلگن اویلر قیتهدن توزهتیلهدی.
عینحالده، شینوار تومنینینگ قوم بویوکلریدن بیرقطارینینگ ایتیشیچه، امنیتی کوچلر اوشبو تومنی دولتگه قرشی قوراللی گروهلر وجودیدن تازهلگنلر.
اولر جمهور رئیس غنیدن مردمی کوچلرگه کوپراق حربی جهاز بیریشینی طلب قیلگنلر. محمداشرف غنی شینواری تومنی گه بارگن افغانستاننینگ بیرینچی جمهور رئیسی دیر .
.jpg)
بو سفرده جمهور رئیس غنی گه سنا مجلسینی باشلیغی فضلهادی مسلمیار، ملی خوفسیزلیک کینگشینی مصلحتچیسی حمدالله محب، ملی خوفسیزلیک عمومی ریاستینی باشلیغی معصوم استانکزی و حکومت ییریک رسمیلریدن بیرقطاری همراهلیک قیلگنلر.
جمهور رئیس غنی طالبان گروهی اوچون سیاسی دفتر اختصاص بیریلیشی خصوصیده تیارگرلیک کورستگن بیرحالده، اوتگن هفته مسکو طالبان گروهی بیلن افغانستان سیاسی سیمالرینینگ ایکی کونلیک ییغینی گه میزبان ایدی. لیکن بو ییغینده افغانستان حکومتی تامانیدن هیچ بیر نماینده اشتراک قیلمهگن.
