نمایندهلر کینگشیده میررحمان رحمانی و کمالناصر اصولی آرهسیده یوز بیرگن تارتیشوولرنی حل قیلیش اوچون اوتگن کونی 27 کیشیلیک بیر هیات تشکیل تاپگن.
اوشبو هیات اعضالری نینگ ایتیشیچه، تدقیقاتلرینینگ نتیجهسی ایرته اعلان ایتیلهدی.
مذکور هیات اعضاسی خانآقا رضایی نینگ ایتیشیچه، یوقالگن 3 آواز، حاضری سیستمهسی و آرشیفنی تیکشیروو خصوصیده ایشلیدیلر.
نماینده کینگشی اعضاسی گلرحمان همدرد نینگ ایتیشیچه، معلوماتلرگه کوره، 27 کیشیلیک هیات نینگ ایشی بوگون بوگون "سهشنبه" یکونلنهدی و نتیجه ایرته نمایندهلر کینگشی اعضالرینینگ اختیاریگه قوییلهدی.
نمایندهلر کینگشی نینگ باشقه بیر اعضاسی میرویس یاسینیگه کوره، اوشبو هیات قرارینی قبول قیلیش اوچون ایکی تامان تعهد قیلگن.
شوتوغریده…
- نمایندهلر کینگشی جنجلی؛ حق کیم گه، اصولی یا-ده رحمانی؟
نمایندهلر کینگشی قوروقچیلری و اعضالری آرهسیده یوز بیرگن فزیکی اوروشده 5 کیشی یرهلنگن
عینحالده، نمایندهلر کینگشی اعضاسی خالد مومدنینگ ایتیشیچه، 130 دن آرتیق امضا توپلهگنلر و 27 کیشیلیک هیات نینگ ایشی نتیجه بیرمهگن صورتده، اولر اوز ریجهلرینی نمایندهلر کینگشیده ارایه قیلهدیلر.
نیچه کوندن بویان نمایندهلر کینگشی باشلیغینی قولگه کیلتیریش اوچون میررحمان رحمانی و کمال ناصر اصولی لر آرهسیده تارتیشوولرنی دوامی بار و تارتیشوولرگه نقطه قویش اوچون اوتگن بیر کونی بیر هیات تشکیل تاپگن.
