تینچلیک و برابرلیک تیمی رهبری محمدحنیف اتمر و تینچلیک و عدالت تیمی رهبری رحمتالله نبیل، تینچلیک مصلحتی لویه جرگهنی تحریم قیلگن.
تینچلیک و برابرلیک سیلاو تیمی بیراعلامیه آرقهلی، تینچلیک مصلحتی لویه جرگهنی فرمایشی عنوان قیلیب و مذکور تیم دن نمایندهلیککه هیچ بیر کیشی اشتراک قیلمهیدی دیگن.
تینچلیک و برابرلیک تیمینی سوزلاوچیسی محمد واعظی نینگ سلاموطندارگه ایتیشیچه، تینچلیک مصلحتی لویه جرگهنی تینچلیک تامین قیلیش خصوصیده هیچبیر برنامهسی یوق و بیللی کیشیلر حکومت تامانیدن بو جرگه رهبرلیگیگه تعیین ایتیلگن.
شوتوغریده…
- عبدالله تینچلیک مصلحتی قورولتای نی تحریم قیلدی
طالبان گروهی تینچلیک مصلحتی لویه جرگه ده اشتراک قیلمهیدی
عینحالده، رحمتالله نبیل رهبرلیگیگه بولگن تینچلیک و عدالت تیمینینگ بیر اعلامیه آرقهلی ایتیشیچه، تینچلیک مصلحتی لویه جرگه یولگه قویهدیگنلر بیر تیمگه تیگیشلی دیر و مشروعیتی یوق دیر.
اوشبو اعلامیهگه کوره، تینچلیک مصلحتی لویه جرگه نینگ آجنداسی حاضرگهقدر بیللی ایمس و انهشو باعث، اوشبو تیم بو جرگه ده اشتراک قیلمهیدی.
اوتگن کونی ملی بیرلیک حکومتی نینگ اجرایی باشلیغی عبدالله عبدالله رهبرلیگیگه بولگن ثبات و بیردملیک تیمی هم تینچلیک مصلحتی لویه جرگهنی تحریم قیلگن ایدی.
