بوگون «دوشنبه» کابلده خبری بیر ییغین اوتکزگن سیلاولر ایرکین کمیسیونی باشلیغی گلاجان عبدالبدیع صیاد، جمهورلیک ریاستی سیلاوینینگ تقویمینی اعلان قیلدی.
اوشبو تقویم اساسیده، جمهورلیک ریاستی سیلاوینینگ نامزدلرینی رویخطگه آلیش جدی آیینینگ بیرینچی کونیدن باشلهنیب و 12 کون دوام ایتهدی.
جناب صیادنینگ ایتیشیچه، جمهورلیک ریاستی سیلاویده اشتراک قیلگن اوچون ایلگریدن رویخطده آلینمهگنلر یا-ده ینگیلیکده آواز بیریش یاشیگه ییتیشگنلر جدی آیینینگ بیرینچی کونیدن دلو آیینینگ تورتینچی کونیگچه آتلرینی رویخطگه بیریب بیلهدیلر.
عبدالبدیع صیادگه کوره، غزنی ولایتینینگ نمایندهلر کینگشی سیلاوی هم جمهورلیک ریاستی سیلاوی بیلن بیرگهلیکده و ولایتی کینگش و تومنلر کینگشی سیلاولری ایسه 1398- ییل، 30- سنبلهده یولگه قوییلیشی ممکن.
سیلاولر ایرکین کمیسیونی تامانیدن تیارلنگن تقویم جدولی اساسیده، جمهورلیک ریاستینینگ سیلاوی 1398- ییل، 31- حملده یولگه قوییلیب و سونگی نتیجهسی 25- جوزا ده اعلان قیلینیشی ممکن.
