افغانستانلیک ایریم تحلیلچیلر اداری فساد، حکومت رهبرلری اورتهسیدهگی قرمه قرشیلیک، امنیتی کوچلر نظارت ایتیلمسلیگی وکشفی ادارهلرنینگ کوچسیزلیگی پایتخت کابلده تروچیلیک هجوملر میزانی آشیشیگه سبب بولگن دیدیلر.
حربی ایشبیلرمان جنرال زلمی وردکنینگ سلاموطندار ترماغیگه ایتیشیچه، بیر قطار امنیتی ادارهلرنینگ مسووللری پول مقابلیده ترورچیلیک هجوملرنی عملگه آشیره دیگنلرگه همکارلیک قیله دیلر.
جناب وردک، قانون حاکمیتی یوقلیگی، و مکافات – مجازات سیستمی بولمهگن لیگی باعث پارتلاوچی مادهگه تولدیریلگن موترلر کابل عمومی ایشیگیدن کیریب کوزلهگن نیتگه ییته دیلر دیگن.
باشقه بیر حربی تحلیلچی جنرال خداداد هزارهنینگ سوزلریگه قرهگنده، افغانستانده دوام ایته دیگن اوروشنینگ اصلی سببی کشفی ادارهلرنینگ کوچ سیزلیگی همده امنیتی مسووللرنینگ دولت قوراللی مخالفلریگه همکارلیک قیلیشیدن کیلیب چیقهدی.
حربی تحلیلچیلرنینگ بو قبیل ادعالرینی رد قیلگن ایچکی ایشلر وزیرلیگینینگ سوزلاوچیسی صدیق صدیقی گه کوره، بوتون امنیتی کوچلر افغانستان حکومتینینگ قوراللی مخالفلری بیلن اوروش قیلهدیلر. لیکن، بو کورهش قچانگچه دوام ایتیشی معلوم ایمس دیدی جناب صدیقی.
جناب صدیقی، شهر گوجوملیگی باعث دولت قوراللی مخالفلری پارتلاوچی مادهگه تولدیریلگن یوک تاشیوچی موترلرنی خوفسیزلیک بیلباغلردن شهر مرکزیگه آلیب اوتیشگه موفق بوله دیلر دیگن.
عین حالده، یکشنبه دن دوشنبه گه اوتر کیچهسی ترورچی گروهلر پارتلاوچی مادهگه تولدیریلگن موترنی نارت گیت مهمانخانهسیده قرشیسیده پارتلهتیب، ملی کوچلر بیلن توقنشگن ایدیلر. اوشبو واقعه مسوولیتینی قوراللی طالبلر تامانی اوز ذمه سیگه آلگندی.
