نمایندهلر مجلسی بوگون (چهارشنبه) مملکت خاتین – قیزلر ایشلری بوییچه وزیری خانم دلبر نظرینی، اوشبو وزیرلیکده اوغلینینگ اخلاقسیزلیگی، کمکارلیک، اداری فساد و مسوولیتسیزلیککه عیبلب استیضاح ایتگن ایدی.
بیرقنچه نمایندهلر، اوشبو وزیرلیکده مصلحتچی صفتیده ایش قیلهدیگن وزیرنینگ اوغلی وزیرلیکدهگی بیر قنچه خاتینلرنی جنسی تجاوز قیلگن لیگینی ادعا ایتگنلر.
مجلس اعضالریدن بیری کبرا مصطفوی، عیاللر ایشلری بوییچه وزیرنینگ اوغلی مذکور وزیرلیک عیال ملازملرینی جنسی خورلهگنلیگینی ایتیب ایشدن آلینیشینی بارهسیده تاکید قیلگن.
لیکن، ادعالرنی رد قیلگن دلبر نظری، مجلسنینگ بو اعضاسیدن عیبلاونی اثباتلش اوچون حجت کورسهتیشنی سورهگن.
عیاللر وزیرینینگ نمایندهلرگه بیرگن جوابی اولرنی قانیقتیره آلمهگنی باعث، خانم نظری ایشدن آلینیشی اوچون آواز بیرگنلر.
نهایتده نمایندهلرنینگ آوازی سنهلگندن سونگ خانم نظری 68 رد آوازی، 51 تصدیق رایی و 6 باطل رای بیلن قیتهدن ینه اوز لوازمیده قالگن.
نمایندهلر مجلسینینگ ایچکی نظامیگه کوره، هر بیر وزیرنی ایشدن بوشهتیش اوچون مجلسنینگ اوچ دن ایکّی قسمی سلبی آواز بیریشی کیره ک بولهدی.
