اوتگن نیچه آی جریانیده جمهور رییسغنی اداری فسادگه عیبلنگن نیچه کیشینی دولت لوازملریگه تعین قیلگن. جمهور رییس نینگ بو قیلمیشی سیاسی ایش بیلرمانلر ینه اهالی تامانیدن جدی تنقید آستیگه آلیندی.
بیر قنچه سیاسی تحلیلچیلرگه کوره، ملی بیرلیک حکومتی بیر تاماندن اداری فسادگه قرشی کورهش اوچون تاکید قیلهدی و باشقه بیر طرفدن ایسه اداری فسادگه عیبلنگن قطار شخصلرنی دولت بلند مرتبهلی لوازملریگه تعین ایتهدی.
سیاسی تحلیلچی خلیل روماننینگ سلاموطندارگه ایتیشیچه، ملی بیرلیک حکومتی اداری فسادگه قرشی کورهش اوچون هنوزگچه درست لایحه نظرده توتمهگن و حکومت رهبرلری فسادگه قولی بولگن کیشیلر بیلن سلیقهیی یاندهشهدی.
جناب رومان، کوپراق جمهور رییس همده اجراییه ریاستی باشلیغیگه یقین کیشیلر فسادگه باتگن شخصلردن عبارت دیدی. اونگه کوره، مذکور شخصلر قانونی تحقیق آستیگه آلینمسلیکلری و دولت لوازمیگه ایریشیشلری اوچون اوشبو ایکّی تیمگه یوز کیلتیرگنلر.
باشقه بیر تحلیلچی فردوس کاوش، ملی بیرلیک حکومتی رهبرینی اداری فسادگه قرشی کورهش اوچون کوچلی ادارهلری یوق دیگن. رهبرلر اداری فسادگه قرشی کورهش جریانینی سیاسی مصلحتلر قربانی قیلهدیلر دیگن.
جناب کاوش، حکومت رهبرلری تامانیدن اداری فسادگه قولی بولگن لیکده عیب لنگن کیشیلر دولت لوزاملریگه تعین ایتیلیشی ملی بیرلیک حکومتی ایشانچیگه ملی و خلق ارا سطحده زیان ییتکیزه دی دیگن.
اداری فسادگه قرشی کورهش وارسا ییغینیده ملی بیرلیک حکومتی رهبرلرینینگ دنیاگه بیرگن بیرینچی وعدهسی ایدی؛ انه شبو مساله افغانستان ناتو ایشانچینی آلیشیگه باعث بولدی.
سیاسی تحلیلچی لطیف نظری، اداری فسادگه قرشی کورهش اوچون حکومتنی بیرگن وعدهسی فقط شعارده قالهدی دیگن و حکومتنینگ بو قرمه قرشی قیلیمشی عامه خلق فکریده حکومت قانونی لیگینی سلبی تاثیر آستیگه آلهدی دیدی. جناب نظری، ملی بیرلیک حکومتی رهبرلریدن تیورهکلریدهگی فسادگه باتگن شخصلرنی اوزاق قیلیشنی طلب قیلگن.
سنا مجلسینینگ بیر قنچه اعضالری بوگون (سهشنبه) اوشبو مجلسنینگ عمومی ییغینیده دولتنینگ بعضی لوزاملریگه فسادگه قولی بولگن شخصلر تعین ایتلیشیدن خواطر بیلدیرگنلر.
افغانستانلیک سناتورلر جمهور رییس همده اجراییه باشلیغیدن اداری فسادگه قرشی کورهش شعارینی عملده تطبیق ایتیشنی سورهگنلر.
