بوگون «چهارشنبه» کابلده یولگه قوییلگن خبری بیر ییغینده سیاسی جریانلردن بیرقطارینینگ نمایندهلری، تینچلیک سوزلشوولرینینگ جریانی قندهیلیگی توغریسیده بولگن تکلیفلرینی تینچلیک عالی کینگشینینگ رهبرلیک هیأتی بیلن شریک قیلگن.
خوفسیزلیک و برقرارلیک کینگشینینگ رهبرلیک اعضالریدن بیری محمدیونس قانونینینگ ایتیشیچه، تینچلیک سوزلشوولریده خصوصیده، ملی جماعت موجود؛ بیراق اصلی مسئله تینچلیک قندهی بولیشی دیر و بو توغریده بوتون افغانستان یشاوچیلرینینگ خواطرلری و توشونچهلرینی ارایه قیلیشگه حقی بار.
قانونی، تینچلیک سوزلشوولری باشلهنیشی اوچون آیدین و آچیق بیر ریجه ایجاد ایتیلیشی اوستیگه تأکید قیلهدی.
اونگه کوره، افغانستان اوروشی افغانی بولمهگنی اوچون، تینچلیک هم یالغیز افغانی بولمهیدی.
ملی ینگی جبهه باشلیغی انورالحق احدینینگ ایتیشیچه، بوگون باشقه هر زماندن کوره تینچلیک سوزلشوولری باشلهنیشی اوچون فرصت مساعد بولگن و شونینگدیک، بو توغریده ملی و جهانی کیلیشوو موجود دیر.
شونینگدیک جناب احدی، طالبلر بیلن تینچلیک سوزلشوولری باشلهنیشی توغریسیده منظم بیر ریجه ایجاد ایتیلیشینی طلب قیلهدی.
بیراق، خوفسیزلیک و برقرارلیک کینگشینینگ رهبرلیک اعضالریدن باشقه بیری عمر داوودزینینگ ایتیشیچه، تینچلیک سوزلشوولری توغریسیده ملی کیلیشوو وجودگه کیلمهگن و باشقه قیینچیلیکلر هم موجود دیر.
داوودزی گه کوره، دستلب طالبلر بیلن تینچلیک سوزلشوولری باشلهنیشی اوچون بیر ریجه تیارلهنیشی کیرهک.
افغانستان سیاسی جریانلری تامانیدن تینچلیک توغریسیده بولگن تکلیفلردن آلدین، افغانستان تینچلیگی توغریسیده آمریکا تشقی ایشلر وزیرلیگینی خاص نمایندهسی زلمی خلیلزاد، افغانستان حکومتی و طالبلردن تینچلیک سوزلشوولری توغریسیده بولگن هیأتلرینی تانیشتیریشلرینی سورهگن ایدی.
